Rudolf Gebhard

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Rudolf Gebhard (* 1965) isch en Schwiizer Pfarrer. Er isch vom Oktober 2012 bis Dezember 2018 erscht Co-Präsident und dann Präsident vom Pfarrkapitel vo de Reformierte Landeschille Aargau gsi.

Er het z Züri, z Bärn und z Wuppertal evangelischi Theologii gschtudiirt und in Chillegschicht promoviirt. Vo 1995 bis 2000 isch er Pfarrer z La Punt Chamues-ch in Bündnerland gsi und danach bis ins 2007 Pfarrer vo de Communauté Protestante de Langue Française de Bonn, Düsseldorf et région. Im 2007 isch er dann uf Chöllike im Aargau cho, wo er d Schwerpünkt Erwachsenebildig und Seniorenarbet het. Ab em 2009 isch er im Vorschtand vom Pfarrkapitel gsi und im Oktober 2012, als Nochfolger vom Dominique Baumann, zum Co-Präsident gwählt worde. So het er sich s Präsidium bis Endi Juni 2013 mit em Lutz Fischer-Lamprecht teilt, bevor er s ab em 1. Juli 2013 alleige gfüert het. Zu sim Nochfolger het s Kapitel am 23. Oktober 2018 de Matthijs van Zwieten de Blom gwählt, wo s Amt am 1. Jänner 2019 übernoh het.

De Rudolf Gebhard läbt z Chöllike, isch ghürote und het zwei Chind.

Weblink[ändere | Quälltäxt bearbeite]