Pfarrer
Pfarrer isch en Begriff, wo bsunders in chrischtliche Chilene für e Person bruucht wird, wo für d Leitig vo de Gottesdienscht und für d Seelsorg in ere Pfarrei oder Chilegmaind zueschtändig isch.
Etymologii[ändere | Quälltäxt bearbeite]
S Wort Pfarrer (früehmhd. pharrâre, mhd. pharrære, pharrer, pfarrer; es „ph“ spricht mer „pf“ uus) isch abgleitet vo ahd. pharra „Pfarre“. Pharra isch en Entlehnung vo de süddütsche Chilesproch us griechisch παροικία paroikía,[1] wo zsämmegsetzt isch us παρά (in der Nöchi, noch zu) und οίκος (Huus), d. h. wörtlig „Nochberhüüser, Nochberschaftsbezirk“; dodrvo abgleitet isch au der latiinisch Begriff parochus oder parochianus. Im Chilelatiinisch git s für Pfarrer drnäbe au dr Udruck plebanus „Lüütpriester, Landpfarrer, Dorfgeistlige“ (im Gegensatz zum gebildete Kleriker) vo plebs „(eifachs Chile-)Volch“) und/oder vo (ecclesia) plebes „Lüütchile, Pfarrchile“).
Ufgabe[ändere | Quälltäxt bearbeite]
Je nach Organisation vo de jewilige Chile isch de Pfarrer näbe de Gottesdienscht und de Seelsorg au ganz oder teilwiis au für d Leitig vo de Gmeind verantwortlich. Usnahme gits in dere Bezieig bsunders in Landeschilene in de Schwiiz, wo d Pfärrer in bschtimmte Landeschilene kei Schtimmrächt im Chilegmeindrot reschpektiv de Chilepfläg hei.
Au anderi Ufgabe, wi zum Bischspil Religionsunterricht, chöi zum Arbeitsuftrag vo eme Pfarrer ghöre.
In der römisch-katholische und de chrischtkatholische Chile cha numme en Prieschter Pfarrer si.
Fraue im Amt als Pfarrer[ändere | Quälltäxt bearbeite]
Sit öppe de Mitti vom 20. Johrhundert hei in vilne Chilene au Fraue d Möglichkeit übercho, Pfarrerin z werde. Wil i de römisch-katholische Chile s Amt vom Pfarrer a s Prieschtertum bunden isch[2] und nume Manne Prieschter chönd wärde,[3] gits döt kei Pfarrerinne. Im Zytalter vom Prieschtermangel chunnts immer hüfiger vor, as e Pastoralassistänti im e Seelsorgeteam und/oder in ere Pfarrei di administrativi Leitig öberninnt. Gemäss em «Römische Chilerächt» (Codex Iuris Canonici) chan aber nume en Prieschter d Pfarreileitig inne ha, was zu immer grössere Seelsorgeverbänd resp. Seelsorgeeinheite[4] füert.
Weblink[ändere | Quälltäxt bearbeite]
Commons: Pfärrer – Sammlig vo Multimediadateie- Pfarrer im Dütsche Wörterbuech vom Jacob Grimm und em Wilhelm Grimm. Band 13, Spalte 1621.
- Pfarre, pfarr im Dütsche Wörterbuech vom Jacob Grimm und em Wilhelm Grimm. Band 13, Spalte 1619.
- Aktuelli Literatur zum Thema Ständ und Ämter i de Chile uf theologie-systematisch.de vom Herbert Frohnhofen vo de Kath. Hochschuel Mainz
- Priester werden? Imfos uf berufe-der-kirche-speyer.de
Fuessnoote[ändere | Quälltäxt bearbeite]
- ↑ Wolfgang Pfeifer u. a.: Etymologisches Wörterbuch des Deutschen. Berlin 1989 und spöter bzw. Münche 1995 und spöter.
- ↑ Can. 517 § 2 CIC „Pfarreien, Pfarrer und Pfarrvikare“
- ↑ Can. 1024 CIC „Weihebewerber“
- ↑ Seelsorgeeinheiten uf kath-stgallen.ch