Matthijs van Zwieten de Blom
De Matthijs van Zwieten de Blom (* 1970 z Züri) isch en holländisch-schwiizerische Pfarrer. Er isch vo 2019 bis 2022 de Presidänt vom Pfarrkapitel vo de Reformierte Landeschile Aargau gsii. Sit 2024 schaffet er z Dütschland.
Lääbe
[ändere | Quälltäxt bearbeite]Er isch as gebürtige Niderländer i de Schwiiz ufgwachse und het z Züri d Matura gmacht. Vo 1990 bis 1997 het er a de Universitäte vo Amsterdam und Züri reformierti Theologii gschtudiert und vo 2001 bis 2006 a de Uni Bärn Betriibswirtschaft.
Vo 1998 ist 2022 het er als Pfarrer gschaffed, zerscht in verschidnige Chilegmeine im Kanton Bärn, unter anderem z Linech und z Diemtige, und vom September 2011 bis zum Sommer 2022 im Aargau, won er sini Pfarrstell in de Chilegmeind Rei gha het (mit de Gmeinde Rüfenach, Villige, Remige und Würelinge und em Brugger Ortsteil Lauffohr und Siggetal-Station).[1]
Im Oktober 2018 isch dr Matthijs van Zwieten de Blom zum Presidänt vom aargauische Pfarrkapitel gwählt worde, als Nochfolger vom Rudolf Gebhard; s Amt het er am 1. Jänner 2019 aträtte. Wo er im Sommer 2022 sis Pfarramt abgeh het, isch er au als Presidänt vom Pfarrkapitel zruckträtte. D Nachfolg hend d Maja Petrus und d Kristin Lamprecht imene Co-Präsidium aaträtte.[2]
Sit em Dezämber 2024 isch er Pfarrer a der Evangelisch-Lutherische Innestadtgmeind St. Laurentii z Itzehoe im dütsche Schleswig-Holstein. Dezue ane schriibt er und isch Religionspädagog.[3]
Weblink
[ändere | Quälltäxt bearbeite]- Portrait vom Matthijs van Zwieten de Blom uf de Website vom Schwiizerische Pfarrverein
Fuessnoote
[ändere | Quälltäxt bearbeite]- ↑ Reformierte Kirchgemeinde Rein uf ref-rein.ch
- ↑ De Vorstand vom Pfarrkapitel uf de Webiste vo de Reformierte Chile Aargau
- ↑ Portrait vom Matthijs van Zwieten de Blom uf de Website vom Schwiizerische Pfarrverein