Qaf (Arabische Buechstabe)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
s Qaf i de isolierte Form

Qāf ( قاف ) isch de 21. Buechstabe vom arabische Alphabet und het de Lutwert 100. Sin Vorgänger isch s phönizische Qoph und isch verwandt mitem latinische Q, em griechische Qoppa und em hebräischen Qoph.

Luutwert und Umschrift[ändere | Quälltäxt bearbeite]

S Qaf bizaichnet de stimmlos uvulari Plosiv (IPA: /q/) und het i de europäische Sprooche kai Entsprechig. Es chunnt emene stimmlose "g" wo wit hine im Rache artikuliert werd em nöchste und vili Beduinetielekt sprechet de Luut denn au as /g/ uus, i villne Städt wie Kairo (ar. al-Qāhira) oder Damaskus werd de Luut as glottale Verschluss (IPA: /ʔ/) usgsproche.

I de DMG-Umschrift werd er mit "q" transkribiert, i nödwüsseschaftliche Werch und Zitige maist mit "k". I Domainnäme und Internetfore werd nöd selte d Zaal "8" för s Qaf bruucht.

S Qaf isch e Moobuechstabe, da haisst de Artikel al- werd nöd assimiliert: al-qamar »de Moo«.

Unicode[ändere | Quälltäxt bearbeite]

Unicode Codepoint U+0642
Unicode-Name ARABIC LETTER QAF
HTML ق
ISO 8859-6 0xe2