Ñef (Osmanischer Buchstabe)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ñef in isolierter Form

Ñef isch e Buechstab im osmanisch-türkische Alphabet gsi, wu bis 1928 verwendet worre isch, wu nit zum hocharabische Alphabet ghert het. Er isch zuesätzlich zue de vier Persische Buechstabe (Pe, Tche, Zhe und Gaf) igfiert worre, zum de velare n-Lut (in de turkologische Umschrift mit ñ gschribe, (IPA: [ŋ]) schriibe z kinne. S Ñef wird wie e Kaf gschribe, aber mit drey Pinkt driber. S het kei Zahlewert.

In osmanische Text findet sich s Ñef selte. Wie bim Gef sind d diakritische Zeiche vilmol weggluu un de ñ-Lut mitem Kef wiidergebe worre.

Bi de Umstellung uff d latynisch Schrift 1928 isch d Unterscheidung zwische velarem ñ un normalem (dentalem) n verlore gonge, wil s ñ im İstanbuler Dialekt, wu Maßschtab gsi isch, nit exischtiert het.

Ñef in Unicode[ändere | Quälltäxt bearbeite]

Unicode UTF-16 U+06AD
Unicode-Nôme ARABIC LETTER NG
HTML ڭ
ISO 8859-6 nit vorhande