Ṣād (Arabische Buechstabe)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Sad in isolierter Form

Ṣād ( صاد ) isch de vierzeet Buechstabe im arabische Abece und het de Zaalwert 50. Entstanden isch er usem phönizische Sade und wege dem verwandt mitem hebräische Tzade und em altgriechische San, wo i de Antiki nu i wenige dorische Tielekt bruucht worden isch.

Luutwert und Umschrift[ändere | Quälltäxt bearbeite]

S Ṣād isch ann vode vier emphatische Luut im Arabische und het drum kai Entsprechig im Tütsche. S werd wie s arabische Sin artikuliert, aber mit mee Spanig und de Hindertail vode Zunge goot gege de Gaume (IPA: /sˁ/). I de DMG-Umschrift werd s Ṣād mit /ṣ/ widergee, aso emene /s/ miteme Pünktli unedra. Di nödwüsseschaftlichi Literatur verzichtet i de Regle uf da Püktli.

S Ṣād isch e Sunebuechstabe, da haisst de Artikel al- werd assimiliert: aṣ-ṣaḥrā'   "d Wüesti".

Unicode[ändere | Quälltäxt bearbeite]

Unicode Codepoint U+0635
Unicode-Name ARABIC LETTER SAD
HTML ص
ISO 8859-6 0xd5