Ostseefìnnischi Sprooche

Di ostseefìnnische Sprooche ghöre zù de uralische Sproochfamìlie ùn stelle e Zwiig vù de fìnno-uugrische Sprooche dar. Ihri Sprächer läbe z Fìnnland, Schwede, Norwege, Lettland, Karelie, ìm Ingermanland ùn ìn wittere Deil vù Rùssland.

Es ghöre sälli acht bzw. zeh Sprooche zùm Sproochzwiig:

• Estnisch
• Fìnnisch
• Ischorisch (Rùssland)
• Karelisch (Rùssland)
  • Karelisch ìm ängere Sìnn
  • Lüdisch (Rùssland)
  • Olnetzisch (Rùssland)
• Livisch (Lettland)
• Võro (Estland)
• Wepsisch (Rùssland)
• Votisch

Sproochgschicht

Di ostseefìnnische Völcher hän scho vor de Zittwändi am Fìnnische Mèèrbuse gwohnt, scho de Tacitus erwähnt si ìn sinnem Wèrch Germania under em Namme fenni. Scho sällemools sìn di gèrmanische Völcher ihri ùùmìttelbare Nochbre gsìì, wäge dem chömme ìn dèrre Zitt di èrschte gèrmanische Wörter ine wie zùm Bispììl kuningaz (Fìnnisch: „Chönig“, vù kuningaz) odder rengaz (Fìnnisch: „Ring“, vù hrengaz). Au noochdem sich d'Sproochfamìlie ùfgspalte ghaa hät, hät sich de gèrmanisch Iiflùss furtgsetzt, gliichzittig hät isch s Rùssisch bi einzelne Wörter zùr Gebersprooch worre; bedingt durch sälli Spùre wecke di ostseefìnnische Sprooche au s Indrässi vù de Gèrmanistik ùn de Slawistik. Wie Fìnnland vù de Schwede bsetzt worre-n-isch, hät e neue Iiflùss ùf d'Sprooch iigsetzt, ins Estnisch sìn durch de Düttsch Orde Lehnwörter mìt plattdüttschem Ursprung chùù. Bìs hǜtt iebt s Rùssisch no e Iiflùss ùf sälli ostseefìnnische Sprooche uss, wùù z Rùssland verbreitet sìn.

Literatur

• Grünthal, Riho: Livvistä liiviin: itämerensuomalaiset etnonyymit. Helsinki: Suomalais-ugrilainen seura, 1997. ISBN 952-5150-00-3.
• Laanest, Arvo: Einführung in die ostseefinnischen Sprachen. Hamburg: Helmut Buske Verlag, 1982. ISBN 3-87118-487-X.
• Laanest, Arvo: Sissejuhatus läänemeresoome keeltesse. Tallinn: Eesti NSV Teaduste Akadeemia, Keele ja Kirjanduse Instituut, 1975.
• Tuomi, Tuomo (toim.): Itämerensuomalainen kielikartasto. Helsinki: Suomalaisen Kirjallisuuden Seura ja Kotimaisten kielten tutkimuskeskus, 2004. ISBN 951-746-327-8 (1. Teil).

Dä Artikel basiert uff ere fräie Übersetzig vu dere Version vum Artikel „Balti-finn_nyelvek“ vu de ungarische Wikipedia. E Liste vu de Autore un Versione isch do z finde.