Wolgafìnnische Sprooche

Di wolgafìnnische Sprooche sìn genetisch e Undergrùppe vù de fìnno-uugrische Sproochfamìlie. Es ghöre mehreri ussgstorbeni ùn zwei läbigi Sprooche (Mordwinisch ùn Mari) dezüe. Wiil allerdings d'Theorii vù dèrre Sproochfamìlie z viil Froge ùfwürft, wùù nìt chönne beantwortet wèrre, wird si bi de Glìderig vù de fìnno-uugrische Sprooche all weniger bruucht.

Di wolgafìnnische Sprooche als Eiheit

D'Theorii vù de wolgafìnnische Eiheit gìt's ìn de Fìnnougristik sitt de Mìtti vùm 19. Johrhundert. Si besait, dass es ìn de Gschicht vù de fìnno-uugrische Sproochfamìlie e Zitt gee hät, wùù d'Vorfahre vù de Mari ùn de Mordwine zämme gläbt hän: ihri Dialäkt sìn enand soo ähnlig gsìì, dass e gegesittigi Verständigung mööglig gsìì isch, vù de andere Sprooche uss de Famìlie hän si sich abber gnüeg underschìde, dass sälle ihri Sprächer, wùù spöter nooch Weste gwandert sìn, si nǜmmi verstande hän. Ab de 1960er-Johr hän d'Fìnnougriste d'Theorii aafange ùfgee, wiil z wenig gmeinsami Wörter als Bewiis gfunde hän. Mer isch zùm Schlùss chùù, dass es di wolgafìnnischi Eiheit, wenn ǜbberhaupt, nùmme während 100-200 Johr gee hät.

Sälli Sprooche wèrre de wolgafìnnische Famìlie züegordnet:

• Mari
• Mordwinisch
• Muromisch (ussgstorbe)
• Merjanisch (ussgstorbe)

Literatur

• Angela Marcantonio: The Uralic Language Family: Facts, Myths and Statistics Blackwell Publ., Boston 2002 (Publications of the Philological Society)
• Tapani Salminen (2002): Problems in the taxonomy of the Uralic languages in the light of modern comparative studies. http://www.helsinki.fi/~tasalmin/kuzn.html

Dä Artikel basiert uff ere fräie Übersetzig vu dere Version vum Artikel „Volgai_nyelvek“ vu de ungarische Wikipedia. E Liste vu de Autore un Versione isch do z finde.