Odyssee

Us der alemannische Wikipedia, der freie Dialäkt-Enzyklopedy
Dr Odysseus git em Kyklop Polyphem e Schaale mit starkem Wii
Homer, Odyssee, Manuskript, 3 Viertel vom 15. Jh. (British Library)
John William Waterhouse, 1891

D Odyssee (altgriech: ἡ Ὀδύσσεια - hē Odýsseia) isch näbe dr Ilias s zwäite Epos, wo im griechische Dichder Homer zuegschriibe wird. Si ghöört zu de eltisten und iiflussriichste Dichdige vo dr oobedländische Litratuur. S Wärk isch zum erste Mol im 8. Joorhundert v. d. Z. ufgschriibe worde. Es schilderet d Abentüür vom König Odysseus vo Ithaka und sine Gfäärte uf em Häimwääg us em Trojanische Chrieg.

D Odyssee bestoot us 12'200 Värs in Hexameter in 24 Gsäng. S verzelt wie dr Köönig vo dr chliine Insle Ithaka noch zää Joor Chrieg no zää Joor vo de Götter dra ghinderet wird, häimzfaare. Noch e Hufe Abentüür chunnt er schliesslig as Bättler zrugg und niemer usser sim Hund kennt en. In sim Huus het s e Hufe Fremdi, wo brobiere, sinere Frau Penelope iizreede, ass är, dr Odysseus, dood sig, und si wäi zwinge, äine vo iine z hüroote. Noch eme Wettkampf mit Pfiil und Booge döödet dr Odysseus zämme mit sim Soon Telemachos alli Fremde und au die Diener, wo nid dröi gsi si. D Penelope kennt in schliesslig wider un denn goot dr Odysseus zu sim alte Vater Laërtes uf Bsuech.

In vile Sprooche isch dr Begriff „Odyssee“ zum Sünonüüm für e langi Irrfaart worde.

De Albert Meyer het anne 1960 e Übersetzig vo der Odysse uf Bärndütsch uusegää.

Wärkusgoobe[ändere | Quälltäxt bearbeite]

  • Homer bärndütsch, Odyssee: Gesänge 1-24. Übersetzt vom Albert Meyer. Francke, Bern 1960. 433 S.
  • Homer: Odyssee. Griechisch-dütsch, uusegee und übersetzt vom Anton Weiher. Sammlung Tusculum. Artemis & Winkler Verlag, Düsseldorf 2003. ISBN 3-7608-1542-1
  • Homers Odyssee. Übersetzt vom Johann Heinrich Voß. Winkler Weltliteratur. Blaue Reihe. Züri, Stuttgart 2001. ISBN 3-538-06920-4
  • Homer: Die Odyssee. Übersetzt vom Wolfgang Schadewaldt. Bibliothek der alten Welt. Griechische Reihe. Zürich, Stuttgart 2001. ISBN 3-7608-4092-2
  • Homerus Odyssee. Übersetzt vom Gerhard Scheibner. Taschenbibliothek der Weltliteratur. Berlin, Weimar 1989. ISBN 3-351-01397-3
  • Homer: Odyssee. Übersetzt vom Roland Hampe. Reclams Universalbibliothek. Bd 280. Reclam, Stuttgart 1986. ISBN 3-15-000280-X
  • Homer: „Odyssee“. Übersetzt vom Kurt Steinmann. Manesse Verlag, Züri 2007. ISBN 978-3-7175-9020-0

Onläin[ändere | Quälltäxt bearbeite]

Griechisch

Änglisch

Dütsch