A. Francke Verlag
Dr Francke-Verlag isch es Verlagshuus z Bäärn.
Dr Verlag isch anne 1831 gründet woorde, vom Johann Felix Jacob Dalp, und er het de no J. Dalpsche Buchhandlung gheisse. Sid 1866 het dr Karl Schmid d Firma gchauft. 1884 isch dr Alexander Francke drzuechoo, wo vonnem dr spööter Firmename chunt.
Sit 1992 ghöört dr Verlag zum Undernääme Narr Francke Attempto Verlag z Tüübinge.
D Büecher, wo bim Francke-Verlag usechöme, sind zmeischt uf de Fachpiet vo dr Sproochwüsseschaft, grad au mit Schrifte zu dr Dialäktforschig, dr Kulturgschicht un dr Theology. Bim Verlagsprogramm isch au d Zytschrift Vox Romanica.
Drzue git Francke au Wäärch vo dr Belletristik use.
Literatur
[ändere | Quälltäxt bearbeite]- Carl Ludwig Lang: 125 Jahre Francke Verlag Bern. Bern 1957.
- Carl Ludwig Lang (Hrsg.): 150 Jahre Francke. Bern 1981.