Obugrischi Sproche

Obugrischi Sproche
Geografischi Verbreitig	Russland Russland (Weste vo Sibirie)
Klassifizierig	Uralisch Finno-ugrisch Ugrisch
Underdeilige	Chantisch Mansisch

Di Obugrische Sproche sin e Undergruppe vo de finno-ugrische Sproche und di nöchste Verwandte vom Ungarische. Si werre in de mittlere Landesdeil vo Russland, zwüschem Ob, em Irtis und em Ural gschwätzt. Numme zwei Sproche ghöre zum obugrische, Mansisch/Wogulisch und Chantisch/Ostjakisch. Do si sich vo Ungarisch scho lang abgspalte hän, git's zu sällem großi Underschid in de Syntax, im Wortschatz und de Phonology. Mansisch und Chantisch sin enand ähnlig, ihri Sprächer chönne enand aber nit verstoh.

Di obugrische Sproche sin stark vo de Turksproche beyflusst worre, vor allem vom Tatarische. Bis 1930 hän si kei Rächtschrybig gha und sin entweder gar nit gschribe worre oder mer hät sich an de Literatur und de Dradition orientiert. Sit 1937 verwände si s kyrillisch Alphabet mit Züesatzsymbol, 's sin aber keini bedütsame Tekscht uff einer vo-n-e gschribe worre; au als Amtssproch wird's sälte brucht.

Mansisch hät ca. 3800 Sprächer und Chantisch 14'280; beidi sin numme innerhalb vo Russland verbreitet.

Dä Artikel basiert uff ere fräie Übersetzig vum Artikel „Obi-ugor_nyelvek“ vu de ungarische Wikipedia. E Liste vu de Autore un Versione isch do z finde.