Norbert Hofer

Us der alemannische Wikipedia, der freie Dialäkt-Enzyklopedy
Norbert Hofer (2019)

Dr Norbert Gerwald Hofer (* 2. Merz 1971 z Vorau, Steiermark) isch e eschtrychische Bolitiker un syt em 14. Septämber 2019 Bundesbarteiobmann vu dr FPÖ.[1]

Är isch zum erschte Mol anne 2006 im Nationalrot as Abgordnete aaglobt wore un isch vu 2013 bis 2017 Dritte Bresidänt vum Nationalrot gsii. Syt 2005 isch er stellverdrättende Bundesbarteiobmann gsii un syt 2006 stellverdrättende Landesbarteiobmann vu dr FPÖ Burgeland. Vu 2006 bis 2013 isch er stellverdrättende Klubobmann vum Freihaitlige Barlemäntsklub gsii. Syt em 27. Mai 2019 isch er zäme mit em Herbert Kickl as gschäftsfieredem Klubobmann – Klubobmann vu dr FPÖ-Fraktion im Nationalroot.

Bi dr Bundesbresidäntewahl 2016 isch er im zweete Wahlgang em Alexander Van der Bellen unterläge, het aber mit fascht 50 Brozänt vu dr Stimme s bescht Ergebnis in dr Gschicht vu syre Bartei iberchuu. Am 1. Juli het s eschtrychisch Verfassigsgricht die Stichwahl wäge Uuregelmäßigkaite fir uugiltig erklert. D Widerholig vo dr Stichwahl isch uf dr 2. Oktober aagsetzt wore. Am 12. September isch bekannt wore, as dr Wahltermin uf dr 4. Dezember verschobe wäre mues, wil de Liim bi gwüssne Briefumschleg, wo d Wahlunderlage drmit verschickt wore sin, nöd guet gsi isch und drum d Guwer nöd richtig kläbt heted.[2] Bi dr Widerholig vo dr Stichwahl am 4. Dezember isch dr Norbert Hofer em Alexander Van der Bellen wider unterläge.

Literatur[ändere | Quälltäxt bearbeite]

  • Johann Kriegler: Politisches Handbuch des Burgenlandes. Teil 3: (1996–2001) mit Ergänzungen und Nachträgen zu Teil 1 und 2 (= Burgenländische Forschungen. Bd. 84). Amt der Burgenländischen Landesregierung, Abt. 7, Hauptreferat Landesarchiv und Landesbibliothek, Eisenstadt 2001, ISBN 3-901517-29-4, S. 76.

Weblink[ändere | Quälltäxt bearbeite]

 Commons: Norbert Hofer – Sammlig vo Multimediadateie

Fuessnote[ändere | Quälltäxt bearbeite]

  1. ORF at/Agenturen red: Parteitag: 98,25 Prozent für neuen FPÖ-Obmann Hofer. 14. September 2019, archiviert vom Original am 18. September 2019; abgruefen am 14. September 2019.
  2. Österreich wählt am 4. Dezember neuen Präsidenten. Artikel i dr Süddütsche Zytig vom 12. September 2016