Die Süüddütschi Zitig

Us der alemannische Wikipedia, der freie Dialäkt-Enzyklopedy

Koordinate: 48° 8′ 13,9″ N, 11° 38′ 8,5″ O

Süddeutsche Zeitung
Logo
Beschriibig Daageszitig
Sproch Dütsch
Verlag Süddeutsche Zeitung GmbH (Dütschland)
Erstusgob 6. Oktober 1945
Erschiinigswiis vom Määndig bis am Samsdig
Uflag
(IVW 3/2016, Mo–Sa)
358.365 Exemplar
Riichwiiti
(Vorlage:MediaAnalyseDE)
1,28 Mio. Läser
Herusgäber Thomas Schaub (Vorsitzend)
Oliver Friedmann
Richard Rebmann
Gschäftsfüehrer Karl Ulrich
Christian Wegner
Weblingg sueddeutsche.de
Artikelarchiv SZ-Archiv
CODEN SUZED

Die Süüddütschi Zitig (SZ) isch e dütschi überregionaali Abonnement-Daageszitig. Si wird sit 1945 vo dr Süddeutsche Zeitung GmbH, wo zum Süüddütsche Verlaag gehöört, z Münche uusegee. Dr Süüddütschi Verlaag ghöört sit em 29. Februar 2008 zu 81,25 Brozänt dr Süüdwestdütsche Medie Holding (SWMH) mit Sitz z Stuegert, wo d Hauptgsellschafter von ere d Medien Union und d Grubbe vo de Württebärgische Verleeger si. Aaddäil het au d Verleegerfamilie Friedmann.

D Shefredaktöör si dr Wolfgang Krach und d Judith Wittwer. Dr Vorsitzend vom Uusegääberroot isch dr Thomas Schaub. Im eerschte Quartal 2022 si 309.050 Exemplaar verchauft woorde (das sind 25,3 Brozänt weeniger als 1998).[1] Die Süüddütschi Zitig het noch dr Bulwarzitig Bild die zwäithöggsti Uflaag vo de dütsche Daageszitige. Si wird vo Schurnaliste as äins vo de dütschsproochige Leitmedie iigstueft.[2][3]

Brofiil und Usrichdig[ändere | Quälltäxt bearbeite]

Noch iirem Redakzioonsstatut sträbt die Süüddütschi Zitig (SZ) e „freihäitligi, demokratischi Gsellschaftsform noch liberaale und soziaale Grundsätz“ aa.[4] D Öffentlikäit gseet si as linggsliberaal bzw. „e chli linggs vo dr Middi“.[5][6][7]

Spezifisch für die Süüddütschi Zitig isch s Gwicht, wo si dr Kultuur git. S Föiton chunnt diräkt noch em bolitische Däil. Näbe dr Glosse Streiflicht oobe uf dr Diddelsite isch d „Site 3“ e bsundrigs Merkmol, in dr äigene Schriibwiis DIE SEITE DREI. Doo erschiine jeede Daag Repordaasche und Hindergrundardikel. Uf dr vierte Site, dr Meinungsseite, findet mä dääglig e Läitardikel, wo vo bekannte SZ-Autoore verfasst isch. Usserdäm git s jeede Friddig s SZ-Magazin. Bis 2017 het s, au am Friddig, e Biilaag mit ere Uswaal vo Ardikel uf Änglisch us dr New York Times. Am Donnstig git s in dr Uflaag für d Regioon Münche d Veraastaltigsbiilaag SZ-Extra. Am Samstig erschiint d SZ sit em 18. Oktober 2014 under em Diddel Süddeutsche Zeitung am Wochenende in ere Wersioon mit vile Erwiterige, wo nit nume e Daageszitig, sondern au e Sunndigs- bzw. Wuchezitig söll si.[8]

Die Süüddütschi Zitig het im Inland Redakzioone z Berlin, Düsseldorf, Frankfurt am Main, Hamburg, Karlsrue, Leipzig und Stuttgart.[9]

2014 isch die SZ Mitgliid vom ene Röscherscheverbund mit de öffentlig-rächtlige Radioaastalte NDR und WDR worde.

Liddratuur[ändere | Quälltäxt bearbeite]

  • Knud von Harbou: Als Deutschland seine Seele retten wollte. Die Süddeutsche Zeitung in den Gründerjahren nach 1945. dtv, Münche 2015, ISBN 978-3-423-28055-6.
  • Süddeutsche Zeitung. Münchner neueste Nachrichten aus Politik, Kultur, Wirtschaft, Sport. Süddeutscher Verlag, Münche 1.1945, 1ff. (24. Aug.) ISSN 0174-4917

Weblingg[ändere | Quälltäxt bearbeite]

 Commons: Süddeutsche Zeitung – Sammlig vo Multimediadateie

Fuessnootee[ändere | Quälltäxt bearbeite]

  1. Informationsgemeinschaft zur Feststellung der Verbreitung von Werbeträgern e.V.
  2. Marc Bartl: Ranking: Die Frauenmachtanteile bei deutschen Leitmedien 2020. In: kress.de. 4. August 2020, abgruefen am 19. September 2021.
  3. Leitmedien-Forum: Von Entscheidern und Followern. Abgruefen am 19. September 2021.
  4. SZ-Redaktionsstatut, zitiert nach Ludwig Maaßen: Die Zeitung: Daten – Deutungen – Porträts. Heidelberg 1986, S. 95.
  5. Die Zeitungen im Medienland Deutschland. In: deutschland.de. Auswärtiges Amt, FAZIT Communication GmbH, 14. August 2012, abgruefen am 17. September 2019.
  6. Mediendatenbank: Süddeutsche Zeitung Institut für Medien- und Kommunikationspolitik, abgrüeft am 17. Septämber 2019.
  7. Marcus Maurer, Carsten Reinemann: Medieninhalte. Eine Einführung. VS Verlag, Wisbaade 2006, ISBN 3-531-14008-6, S. 130.
  8. Kurt Kister: Die neue „SZ am Wochenende“ – Das Beste zweier Welten. In: sueddeutsche.de. 15. Januar 2015, abgruefen am 2. Juni 2020.
  9. Impressum. In: sueddeutsche.de. 14. Dezember 2018, abgruefen am 14. Dezember 2018.