Nicasius vu Reims

Tail vu’ma Glààsfanschter mìt dr Hällakwààl vum hl. Nicasius üss’m Mìnschter vu Soissons (13. Jh.) — hìtt ìsch s’ Fanschter ìm Louvre z’ fìnda

Dialäkt: Mìlhüüserdiitsch

a Schtaiplàtta ìm Schìff vum Reimser Mìnschter, fìr d’ Änthàuiptung vum hl. Nicasius eehra — doo ìsch s’ Joohr 406 ärwäähnt

Dr Nicasius vu Reims, àui Nychasius gschrììwa (làtiinisch Nicasius Remensis; frànzeesch Nicaise de Reims [nikɛz də ʁɛ̃s]; † 407 odd’r 451), ìsch vu 400 bis züa siim Tood Bischoof vu Reims gsìì. Ar ìsch naawa-n-em Remigius († 533) dr bediitendschta Hailiga vu dr Schtàdt un gheert zär Gruppa vu da „Kopftraager“.

sii Laawa

Àls Bischoof hàt dr Nicasius àn dr Schtälla vum hìttiga Mìnschter a Màriakìrìch loo bàuija. Wu d’ Wàndààla ànna 407 bzw. d’ Hunna ànna 451 d’ Schtàdt äroowert hann, hàt dr Nicasius vor dr Màriakìrìch uff sìe gwàrta. D’ Wàndààla hann’na un siina Schwäschter Eutropia-n-änthàuipta; sa hann d’rnooh sii Kopf dur d’ Schtàdt trajt. Àui dr Diàkon Florentius, dr Lektoor Jucundus un àndra G’fährta sìnn ärmoordert worra. Dr Nicasius ìsch mìt siinera Schwäschter ìn’ma Grààb bii dr Agricolus-Kìrìch z’ Reims beardigt worra.

Maa hàt gsajt, àss àm Grààb mehrera Wunder gsìì sìnn. Doo ìsch schpeeter a Bàsilika ärrìchta worra, wo noh-n-em Nicasius gnännt worra-n-ìsch. Ànna 893 hàt dr Arzbischoof Fulko vu Reims em Nicasius siina Relikwia ìns Reimser Màriadoom ìwwertrajt. D’ Kopfrelikwia vum Nicasius ìsch ìn dr Àbtai St-Vaast bii Arras (Nordfrànkrììch) z’ sah, àndra Relikwia sìnn z’ Dornick (Belgia) z’ fìnda. Wittera Relikwia hàt dr Mänch Hrabanus Maurus ìns Dom vu Fulda (Hesse) gebrocht.

em z’ eehra

Dr Nicasius ìsch Schutzhailiger geega-n-Àuigakrànkhaita un Miisaplààga. Ar ìsch àui Schutzpàtroon vu dr Schtàdt Reims. Ar wìrd ìn dr reemisch-kàthoolischa Kìrìch àm 14. Dezamber geehrt.

Z’ Reims ìsch a Kìrìch noh-n-em Nicasius gnännt (église Saint-Nicaise). Sa ìsch ìn da 1920er Joohra bàuija worra. Z’ Cuis bii Épernay ìsch àui s’ Dorfkìrìch noh-n-em gnännt. Ìm Rascht vum Frànkrììch sìnn wittera Nicasiuskìrcha z’ fìnda. Z’ Reims sìnn àui a Plàtz un a Schtrooss noh-n-em Nicasius gnännt (place un rue Saint-Nicaise). Zallamols ìsch ìm 1. Arrondissement vu Pàriis a Schtrooss noh-n-em Nicasius gnännt gsìì.

dr Nicasius ìn dr Kunscht

Glààsfanschter

• 
  Glààsfanschter mìt’m hl. Nicasius ìn dr Bàsilika St. Remigius z’ Reims
• 
  Glààsfanschter mìt dr Hällakwààl vum Nicasius, Jucundus un Florentius ìn dr Àndreàskàpall z’ Reims
• 
  Glààsfanschter vum hl. Nicasius ìn dr Maison Saint-Sixte z’ Reims
• 
  dr St. Johànnis Taifer un dr Nicasius uff’ma Glààsfanschter ìm Reimser Mìnschter
• 
  Glààsfanschter mìt’m hl. Nicasius ìn dr Kìrìch St. Petrus un Paulus z’ Épernay
• 
  Owertail vum Glààsfanschter ìm Louvre (13. Joohrhundert)
• 
  Untertail vum Glààsfanschter ìm Louvre

Schtàtüüta

• 
  Schtàtüüta vum hl. Nicasius àm Nordkweerhüüsportààl vum Reimser Mìnschter (13. Jh.)
• 
  a Schtàtüütla vum hl. Nicasius ìn dr Nicasiuskìrìch z’ Château-l’Abbaye ìm Nordfrànkrììch
• 
  a Schtàtüütla vum hl. Nicasius ìn dr Àgathakàpall ìm Mìnschter vu Rouen (Normàndii)
• 
  a Schtàtüütla vum hl. Nicasius ìn dr Martinskìrìch z’ Glicourt (Normàndii)
• 
  a Schtàtüütla vum hl. Nicasius ìn dr Nicasiuskìrìch z’ Saint-Nic (Britànnia)
• 
  a Schtàtüütla vum hl. Nicasius ìn dr Liawafràuikìrìch z’ Vétheuil (Île-de-France)
• 
  Schtàtüüta vum hl. Nicasius àm Nidarosdom z’ Trondheim (Norweega)

Wàppa

• 
  d’ Wàppa vu dr ehamooliga Àbtai St. Nicasius z’ Reims
• 
  d’ Wàppa vum Viartel Fives z’ Lille (Nordfrànkrììch)

Lìteràtüür

• Nicaise (évêque de Reims). In: Marie-Nicolas Bouillet, Alexis Chassang (Hrsg.): Dictionnaire universel d’histoire et de géographie. 1878 (französisch, wikisource.org). 
• Marie-Céline Isaïa: Saint Nicaise évêque de Reims et les barbares (IX^e-X^e siècles). In: Edina Bozoky (Hrsg.): Les saints face aux barbares au haut Moyen Âge : Réalités et légendes. Presses universitaires de Rennes, Rennes 2017, S. 53–68, doi:10.4000/books.pur.153060 (französisch). 
• Anne Bernet: Nicaise de Reims, l’évêque qui n’a pas déserté. In: Aleteia. 27. August 2022 (französisch, aleteia.org [abgerufen am 14. Dezember 2023]). 

Weblìnks

 Commons: Saint Nicasius – Sammlig vo Multimediadateie

• Biogràfii ìwwer dr Nicasius von Reims ìm Ökumenische Heiligelexikon (hoochdiitsch)
• Biogràfii ìwwer dr Nicasius vu Reims uff Nominis (frànzeesch)
• Biogràfii ìwwer dr Nicasius vu Reims uff dr Websitta vum Arbìschtumm Reims (frànzeesch)
• Biogràfii ìwwer dr Nicasius vu Reims bii CatholicSaints.Info (anglisch)
• Biografii iber dr Nicasio di Reims uf santiebeati.it, abgruefen am 14. Dezember 2023 (italiänisch).