Netstal

Netstal
	Wappe vo Netstal
Basisdate
Staat:	Schwiiz
Kanton:	Glaris (GL)
Bezirk:	(De Kantuu Glaris kännt kai Bezirk.)
Gmeind:	Glarus
Poschtleitzahl:	8754
Koordinate:	722889 / 213684Koordinate: 47° 3′ 46″ N, 9° 3′ 23″ O; CH1903: 722889 / 213684
Höchi:	464 m ü. M.
Flächi:	10.63 km²
Iiwohner:	3075 (1. Jänner 2018)
	s Ortszentrum s Ortszentrum
Charte
	Netstal (Schweiz) Netstal
	Netstal (Schweiz) Netstal

Netstal isch en Ort und en ehemooligi politeschi Gmäind vom Kanton Glarus in dr Schwiz. Dr Ort het guet 3000 Iiwooner.

Netstal isch im Raame vo dr Glarner Gmäindireform uf en 1. Januar 2011 mit de Gmäinde Ennedal, Glarus und Riedere zur nöije Gmäind Glarus zämmegläit worde.

Geografii

Dr Ort Netstal lit uf 458 m ü. M. Si Gebiet isch nume uf dr westlige (linggs vu de Linth) Site vom Hauptdaal besiidlet. Däil vom Dorf lige aber uf bäide Site vo dr Löntsch, wo us em Chlöndaal uusefliesst. S Dorfbild isch brägt vo vier Hügel, wo vom ene prehistorische Bärgsturz vom Glärnisch stamme.

Gschicht

D eltisti Erwäänig vo Netstal wo mä kennt, datiert uf s Joor 1289. Es isch nid klar, öb dr Name, wo as Stall vom Net dütet wird, uf s althoochdütsche Wort „Netz“ (in der Bedütig vo Kwelle) zruggoot oder en andere Ursprung het.

Im Tagwen Netstal si bis zum 16. Joorhundert d Siidlige Leuzinge, Löntsche und e Däil vom verschwundene Tagwen Turserron ufgange. Bis um 1900 het mä au s Klöndaal zum Gmäindigebiet grächnet.

S Dorf isch im Lauf vom 2. Koalizionschrieg 1799 schwer beschädigt worde. E russischi Kanonechuugele und d Ufschrift 1799 am Restorant Stärne erinnere an die heftige Kämpf zwüsche de Franzoose und de Russe in und um Netstal.