Glaris Süd

Us der alemannische Wikipedia, der freie Dialäkt-Enzyklopedy
Glarus Süd
Wappe vo Glarus Süd
Wappe vo Glarus Süd
Basisdate
Staat: Schwiiz
Kanton: Glaris (GL)
Bezirk: (De Kantuu Glaris kännt kai Bezirk.)
BFS-Nr.: 1631i1f3f4
Poschtleitzahl: 8756 Mitlödi
8762 Schwanden
8762 Schwändi
8762 Sool
8765 Engi
8766 Matt
8767 Elm
8772 Nidfurn
8773 Haslen
8774 Leuggelbach
8775 Luchsingen
8777 Betschwanden 8782 Rüti
8783 Linthal
8784 Braunwald
Koordinate: 724397 / 206116Koordinate: 46° 59′ 40″ N, 9° 4′ 27″ O; CH1903: 724397 / 206116
Höchi: 521 m ü. M.
Flächi: 430[1] km²
Iiwohner: 9490 (31. Dezämber 2021)[2]
Gmeindspräsident: Mathias Vögeli (BDP)
Website: www.glarus-sued.ch
Bligg vu Bruwald über Linthel uf de Tödi
Bligg vu Bruwald über Linthel uf de Tödi

Bligg vu Bruwald über Linthel uf de Tödi

Charte
Charte vo Glarus SüdGarichtistauseeKlöntalerseeLimmerenseeMuttseeObersee (Glarus)OberblegiseeSpaneggseeWägitalerseeWalenseeZürichseeKanton GraubündenKanton St. GallenKanton SchwyzKanton UriKanton ZürichGlarusGlarus NordGlarus Süd
Charte vo Glarus Süd
w

Glaris Süd isch e politischi Gmaind im Kantuu Glaris.

Geografii[ändere | Quälltäxt bearbeite]

Zur Gmaind Glaris Süd ghört s Grosstal, das isch s hinderi Linthtal, und s Chliital, das isch s ganzi Sernftal. De tüüfschti Punggt vu dä Gmaind isch au glichzytig där nördligscht Punggt, und där isch uf 481 m ü. M. Er isch z Mitlödi under de Brugg, wo vu Holestai über d Linth uf Eneda füert.

De höggscht Punggt vu de Gmaind isch där gliich wie der vum Kantuu, er isch im Süde vu de Gmaind und isch de Gipfel vum Tödi, mit enere Höchi vu 3'614 m.

Vo Aafang 2011 aa bis Endi 2014 isch si mit enere Flechi vu 430 km² di gröschti politischi Gmaind vu de Schwiz gsi, sithär isch Scuol weg de Fusion um 8,63 km² grösser. Als Vergliich zur Flechi; de Kanton Basel-Stadt het 37 km², beed Kantön Appezäll händ zemme 416 km².[3]

Gschicht[ändere | Quälltäxt bearbeite]

Die Gmaind isch im Rahme vu de Glarner Gmaindsreform per 1. Jänner 2011 entstande, wo di bishärige Gmainde Betschwande, Bruwald, Elme, Engi, Hasle, Linthel, Luchsige, Matt, Mitlödi, Rüti, Schwande, Schwändi und Sool zu de nüüe Gmaind Glaris Süd fusioniert händ.

Bevölkerig[ändere | Quälltäxt bearbeite]

Bevölkerigsentwigglig
Johr 2012 2013 2014 2015
Iiwohner 9'859 9'836 9'761 9'661

D Gmaind git uf ihrere Website d Bevölkerig per 31. Dezember 2016 mit 9'797 Iiwohner a.[4]

Verchehr[ändere | Quälltäxt bearbeite]

D Gmaind isch vu Ziegelbrugg über Glaris z Tal hindere bis Linthel mit ere Strass und ere Linie vu de SBB erschlosse. Ab Schwande wird s Sernftal uf de Strass mit eme Busbetriib bis Elme bedient. I früenrige Zite isch au döt a Bähnli gfahre. Ab Linthel fahrt e Standsailbahn uf 1'256 m is autofrei Bruwald ufe. Im Winter isch s Sernftal und s hindere Linthtal e Sackgass für Motorisierti. I de Summermönet, wänn d Strass über de Chlause offe isch, cha me via Urnerbode uf Altdorf fahre, mit eme private Fahrzüg oder mit em Postauto.

Lüüt[ändere | Quälltäxt bearbeite]

Weblink[ändere | Quälltäxt bearbeite]

 Commons: Glarus Süd – Sammlig vo Multimediadateie

Fuessnoote[ändere | Quälltäxt bearbeite]

  1. Zahlen und Fakten, Website vu Glaris Süd, abgruefe am 11. November 2014
  2. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  3. Zahlen und Fakten, Website vu Glaris Süd, abgruefe am 11. November 2014
  4. Zahlen und Fakten, Website vu Glaris Süd, abgruefe am 24. April 2017