Museum of Modern Art

Us der alemannische Wikipedia, der freie Dialäkt-Enzyklopedy
S Museum of Modern Art, Nöi York

S Museum of Modern Art (MoMA) isch e Museum mit ere Sammlig vo modärner und zitgenössischer Kunst, wo zu de bedütendste und iiflussriichste uf dr ganze Wält ghöört[1][2]. S Museum ligt im Bezirk Midtown im Nöi Yorker Stadtdäil Manhattan uf dr 53rd Street zwüsche dr Fifth und Sixth Avenue. D Sammlig umfasst Wärk vo de verschidnigste Kunstarte, vo Film bis zu Gmäld und Skulptuure. Usserdäm het s e Bibliothek mit 300'000 Bänd.

S Museum of Modern Art, Innenaasicht

D Sammlig[ändere | Quälltäxt bearbeite]

D Sammlig vom Museum of Modern Art umfasst über 150'000 Wärk Archidekduur und vom Disäin, Zäichnige, Gmäld, Skulptuure, under anderem vo dr Alice Aycock, vo dr Louise Bourgeois, vom Alexander Calder, vom Henry Moore, vom Claes Oldenburg, vom Eduardo Paolozzi, Fotografie, Drucksache und Illustrazioone. Drzue chömme öbbe 22.000 Film, vier Millioone Standbilder us Film, Videokunst wie zum Bischbil vo dr Valie Export, vom Lutz Mommartz, vo dr Pipilotti Rist und vom Julian Rosefeldt, und witeri elektronischi Meedie.

Im Museum of Modern Art wärde under anderem au Disäin-Objekt zäigt, wo mä jeede Daag brucht, wie Stüel oder au e VauWee Chääfer, wo vom von Ferdinand Porsche entwicklet worden isch.[3] Es het Zäichnige vo Künstlern wie vom Paul Cézanne, Edgar Degas, vo dr Natalija Gontscharowa, vom Wassily Kandinsky und Egon Schiele und Wärk vom Pablo Picasso, Piet Mondrian, Jean Arp und Andy Warhol.

In dr Gmäldabdäilig git s Wärk vom Impressionismus und Spootimpressionismus vom Paul Cézanne, Vincent van Gogh und Paul Gauguin. Mit em Ernst Ludwig Kirchner und Oskar Kokoschka si au Wärk vom dütsche Expressionismus verdräte. Mä findet au Bilder vom Gustav Klimt, Henri Matisse, Marc Chagall, Salvador Dalí, René Magritte und Pablo Picasso. Zum Action Painting und Abstrakte Expressionismus ghööre d Wärk vom Jackson Pollock. D Pop Art isch mit em Roy Lichtenstein sim Girl with Ball[4] verdräte und mä cha s Gmäld Gold Marilyn Monroe[5] vom Andy Warhol go luege.

Liddratuur[ändere | Quälltäxt bearbeite]

  • The Museum of Modern Art, New York. The History and the Collection. Könemann, Köln 2003, ISBN 3-89508-699-1
  • Morris Louis: The Museum of Modern Art, New York. Museum of Modern Art, New York City 1986, ISBN 0-87070-418-4
  • Philip Yenawine: Bilder und Formen. The Museum of Modern Art, New York. Carlsen, 1998, ISBN 3-551-20463-2
  • Glenn D. Lowry: Masterworks of Modern Art: From the Museum of Modern Art, New York. Scala Vision, New York City 2005, ISBN 88-8117-298-4
  • John Elderfield: Das MoMA in Berlin. Hatje Cantz Verlag, 2004, ISBN 3-7757-1389-1
  • Mary Anne Staniszewski: The Power of Display. A History of Exhibition Installations at the Museum of Modern Art, MIT Press 1998, ISBN 0-262-19402-3.
  • Harriet S. Bee and Michelle Elligott: Art in Our Time. A Chronicle of the Museum of Modern Art, New York 2004, ISBN 0-87070-001-4.
  • Stephan Geiger: The Art of Assemblage. The Museum of Modern Art, 1961. Die neue Realität der Kunst in den frühen sechziger Jahren, (Dissertation Universität Bonn 2005), München 2008, ISBN 978-3-88960-098-1.

Abschnitt Filmkunst ab 1935

  • Haidee Wasson: Modern Ideas About Old Films: The Museum of Modern Art's Film Library and Film Culture, 1935-39. McGill University, Montréal 1998, ISBN 0-612-50280-5 (PDFThesis).
  • Haidee Wasson: Museum Movies: The Museum of Modern Art and the Birth of Art Cinema. University of California Press, Berkeley 2005, ISBN 0-520-22777-8.
  • Steven Higgins: Still moving: the film and media collections of the Museum of Modern Art. Hrsg.: Museum of Modern Art. New York 2006, ISBN 0-87070-326-9.

Weblingg[ändere | Quälltäxt bearbeite]

 Commons: The Museum of Modern Art – Sammlig vo Multimediadateie

Fuessnoote[ändere | Quälltäxt bearbeite]

  1. Ardikel uf artnet.de, Zuegriff am 15. Juni 2008
  2. S Museum of Modern Art uf newyorkartworld.com Archivlink (Memento vom 23. Februar 2009 im Internet Archive), Zuegriff am 15. Juni 2008
  3. Uswaal vo Häiläits us em Beriich vo dr Archidekduur und Disäin vom Museum of Modern Art, Zuegriff am 15. Juni 2008
  4. Bild: Girl with Ball vom Roy Lichtenstein
  5. Bild: Gold Marilyn Monroe vom Andy Warhol

Abschnitt Filmkunst ab 1935


Koordinate: 40° 45′ 40″ N, 73° 58′ 38″ W

Dä Artikel basiert uff ere fräie Übersetzig vum Artikel „Museum_of_Modern_Art“ vu de dütsche Wikipedia. E Liste vu de Autore un Versione isch do z finde.