Film

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ä 16 mm Bolex H16 Reflexfilmkamera, ä populäri Filmkamera in Iifüehrigskürs in Filmschuele

Film isch ä Kunschtform wo sich dur bewegti Bilder uusdruckt. Normalerwiis wärded die Bilder mit eme Projekter uf ä Liinwand projeziert oder am ne Bildschirm aazeigt. I villne Länder hät de Film au e politischi und kulturelli Bedütig. Will d'herstellig vom ne Film normalerwiis sehr tüür isch, hät de Film au e grossi wirtschaftlichi Bedütig.

D'Bilder wo d'Filmkunscht macht, sind nöd würkli bewegt. D'Illusion vo dä Bewegig entstaht dedur, dass d'Einzelbilder schnell nachenand zeigt werded. Dur d'Nabildwirkig uf de Netzhuut vom mänschliche Aug nimmt mä d'Bilder ab ere Gschwindikeit vo öppä zwölf Bilder i de Sekunde als Bewegig wahr.

Früener hät mer mit "Film" (engl. film, Hüütli) ä dünni Schicht (z.B. än Ölfim) oder ä dünni Folie gmeint. Mit dä Erfindig vo dä Fotografie und em Übergang vo de feschte Fotiplatte zum bewegliche Träger us Nitrozellulosä hät sich dä Begriff Film fü das Fotimaterial iibürgeret. Au hät mer di bewegte Bilder uf dem Material und schliesslich di ganz Kunschtform Film gnännt.

Bedütig vom Film[ändere | Quälltäxt bearbeite]

I de hüttige Gsellschaft häd de Film drüü Bedüütige. Erschten als informativs und bewustsiibildends Massemedium, zweitens als Wirtschaftliche Faktor wo dur Erxportahsträngige verstärcht werde chan und drittens als Kunschtgattig.

Film als Kunschtform[ändere | Quälltäxt bearbeite]

De Film i sine verschidene Forme chunt de Menschliche Neugier und em Bedürfniss nach Unterhaltig entgäge. I Länder wo Film produzier werded, wir er normalerwiis als Uusdruck vo de nationale Idäntität ahgluegt. D Politik ( Filmpolitik) förderet hüüfig di nationali Filmproduktion.

Jeh nach Art, Zwäck oder Inhalt vomene Film chan er eim oder mehrer Genres (Kriminalfilm, Dokumentarfilm, Komödie, Stummfilm, Sciencefiction-Film, Chriegsfilm etc.) zuegordnet werde.

Villi Filmfeschtiwall uf de ganze Wält vergeben meischtens jährlich ihri Filmpriis a Filmproduktione und Filmschaffendi. Si orientiered sich meischtens a Akualitätskriterie, wo vo spezielle Jurys beurteilt werded. Di bedüütendschte Filmpriis werded vo de sogenannte "A-Festivals" vergää.

Film als Wirtschaftsfaktor[ändere | Quälltäxt bearbeite]

D Filmwirtschaft umfasst alli Bereich vo de Produktion bis zu de Vermärtig vom Film. Will d Produktion vomene Film tüür isch stellt sich immer d Frag vo de Finanzierig. Im Gegesatz zu de Film i de Vereinigte Staate, wo vor allem dur de internationali Verchauf finaziert werded, sind di europäische Produktione fascht immer vo Fördergälder abhängig.

De Erfolg vomene Film wird vor allem vo de Bsuecherzahle i de Kinos und de Absatzzahle vo DVD's beurteilt. Wägem grosse Ahgebot vo Freyziitmöglichkeite und de Iifürig vom Fernseh, sind d Kinobsüech bis id 90er Jahr starch zruggange.

Dä Artikel basiert uff ere fräie Übersetzig vum Artikel „Film“ vu de dütsche Wikipedia.

E Liste vu de Autore un Versione isch do z finde.