Martin Schütt

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Martin Schütt (* 21. Merz 1948 z Lichtenau) isch e dytsche Lehrer un Liedermacher.

Lääbe[ändere | Quälltäxt bearbeite]

Dr Schütt isch z Fräästett ufgwachse. Noch em Abitur anne 1967 am Einsteingymnasium z Kähl het er zerscht an dr Pädagogische Hochschuel z Löörech studiert, derno z Basel un z Fryburg no d Fächer Dytsch un Geografy. Vu 1971 bis 1973 het er s Referendariat gmacht.

Anne 1974 isch er uf Griecheland gange un het dert fir e dytschi Firma ne dytschi Schuel grinde, wun er derno au glaitet het. Z Griecheland het er sy Frau Despina Arapi chänneglehrt, e Dolmetscheri un Chunschtmoleri. Mit ihre het er e Suhn, Alexander. Wu d Firma Konkurs het mieße aamälde, isch dr Schütt mit syre Familie 1975 wider retuur gange uf Dytschland. Si sin uf Achre zoge un dr Schütt het dert bis zue syre Pensionierig 2004 as Lehrer fir Dytsch un Geografy an dr Lenderschuel z Saaschbach unterrichtet. Anne 1984 hän är un sy Frau ne Buurehuus z Fräästett gchauft un sin ins Hanauerland zoge.

Mer chännt dr Schütt in dr Region vor allem as alemannische Liedermacher un as Laiter vu dr Chlaichunschtbihni „Ku-Stall“. Sy erschte effetlige Ufdritt as Sänger het er mit sibzeeni im „Talentsschuppen“ vum Dieter Pröttel im Färnsee (Sidweschtfunk) ghaa, dertemol het er no dytschi Schlager gsunge. Anne 1980 isch er mit Proteschtsänger uf em Schiff vu dr Griene uf Stroßburi gfahre. Dr Durbruch fir sy Liedermacher-Karriere in dr Region het er 1982 mit eme Ufdritt am Bade-Badener Wynächtsmärt bim Gustl Glattfelder ghaa.

Syter anne 1985 isch dr Schütt as Liedermacher mit aigene Lieder uf Alemannisch unterwägs, mit Ufdritt hääne un dääne vu dr Gränze. Är het au scho in dr 1980er Johr aagfange mit Liedermacher us em Elsass zämezschaffe, unter anderem het er mit em Roland Engel, em Jean-Pierre Albrecht un em Pierre Zeidler zwelf Johr lang s Programm „Winachte bie uns“ gmacht. Derzue het er d Burgetournee organisiert, Liederfescht un anderi Veraastaltige.

UIf ihrem Buurehof hän s Schütte anne 1987 im ehmologe Chuestaal mit Chlaichunscht-Veraastaltige („Stallowe“) aagfange. D Despina het ihre Atellier iber em Chuestaal ghaa. Im Johr 2000 hän si d Chlaichunschtbihni „Ku-Stall“ grindet, wu si syterhär Ufdritt vu Liedermacher, Theater, Kabarett un anderi Veraastaltige organisiere.

Anne 1999 het dr Schütt dr Dytsch-Franzesisch Fryndschaftsbryys vu dr Stadt Zàwere kriegt.

Wärch[ändere | Quälltäxt bearbeite]

Diskografy[ändere | Quälltäxt bearbeite]

  • 1987 12 Alemanne-Liedle. MC, Eigenverlag
  • 1988 Umwäld, Dood un Deifel. MC, Eigenverlag
  • 1989 Durch`s Lääwe. MC, Eigenverlag
  • 1991 Um de Rhin ärum. MC, LP, CD, Rinschler-Verlag, Bühl
  • 1994 S`geht degeije. Geije Ussländerfeindlichkeit und Volksdümmelei. MC, Schnoog-Records.
  • 1994 -1999 Winnachte bie uns. MC, CD, Omega, Straßburg
  • 1997 Schubert uff Alemannisch. Urprהgung CD, Rinschler-Verlag, Bühl
  • 1998 Baden-Räpp. Maxi-CD, Rinschler-Verlag, Bühl

Schrifte[ändere | Quälltäxt bearbeite]

  • Liedle un Gedichtle. 1988
  • Asterix un d`Emanz. Ehapa Verlag, Stuttgart 1998

Weblink[ändere | Quälltäxt bearbeite]