Dieter Pröttel

Dr Dieter Pröttel (* 31. Oktober 1933 z Offeburg) isch e dytsche Färnsehshow- un Filmreschiseer.

Lääben un Schaffe

Dr Pröttel isch promovierte Volkswirt un isch langi Zyt Musikredakteur bim Sidweschtfunk Bade-Bade gsii. Anne 1962 het er sy Schangs iberchuu. Dr Michael Pfleghar isch chrank gsii, wäge däm het er d Verantwortig fir di dodmol gärn gsääne Sändig Bonsoir Cathrin. Derno sin iber 3000 Färnsehproduktione derzue chuu. Är het unter anderem d Musiksändige Talentschuppen moderiert, wun er syni Entdeckige Gaby Berger, Juliane Werding, Joy Fleming, Michael Schanze, Hape Kerkeling vorgstellt het. Näbe zahlryche Färnsehshow, unter anderem Flitterabend, Am laufenden Band, Zwischenmahlzeit un Rudi-Carrell-Show, het dr Dieter Pröttel au Reschy gfiert bi dr Film, wu dr Mike Krüger un dr Thomas Gottschalk in dr 1980er Johr gmacht hän. Fir dr Film Geld oder Leber! (1986) het er au s Draibuech gschribe ghaa. Vu 1971 bis 1977 isch dr Pröttel no zuesätzli Schefredakteur bi Bild und Funk gsii.

Zletscht het er bi dr Färnsehsändig Verstehen Sie Spaß? mit em Frank Elstner am 21. Oktober 2006 z Fryburg Reschy gfiert. Am 16. Dezämber 2006 isch er z Beblenga zum letschte Mol aktiv hinter der Kamera gstande.

Dr Dieter Pröttel isch ghyrote mit dr Buechautori Birthe Pröttel un Vater vu zwee gmainsame Sihn.

Reschy-Arbeite

TV-Produktione (Uuswahl)

• Flitterabend (1992–1994)
• Die Pyramide (1979) TV-Serie
• Hätten Sie heut’ Zeit für mich? (1975)
• Berlin grüsst Bern (1975) (TV)
• Am laufenden Band, Episod #2.7 (1975) TV Episod
• Auf Los geht’s los (1986), 60. un letschti Folg

Film-Produktione (Uuswahl)

• 1983: Die Supernasen
• 1984: Zwei Nasen tanken Super
• 1984: Mama Mia – Nur keine Panik
• 1985: Seitenstechen
• 1986: Geld oder Leber!

Weblink

• Dieter Pröttel in dr Internet Movie Database

Dä Artikel basiert uff ere fräie Übersetzig vu dere Version vum Artikel „Dieter_Pröttel“ vu de dütsche Wikipedia. E Liste vu de Autore un Versione isch do z finde.