Markt Rettenbach

Us der alemannische Wikipedia, der freie Dialäkt-Enzyklopedy
Hops zue: Navigation, Suech


Wappa Deitschlandkart
Wappa vom Markt Markt Rettenbach
Markt Rettenbach
Deutschlandkarte, Position vom Markt Markt Rettenbach hervorghobe
47.947510.395679Koordinaten: 47° 57′ N, 10° 24′ O
Basisdata
Bundesland: Bayern
Regierongsbezirk: Schwoba
Landkroes: Unterallgäu
Heh: 679 m i. NHN
Fläch: 51,5 km²
Eiwohner:

3777 (31. Dez. 2015)[1]

Bevelkerongsdicht: 73 Eiwohner je km²
Boschtloetzahle: 87733, 87671 (Flohkraut), 87724 (Krautenberg)
Vorwahl: 08392
Kfz-Kennzoeche: MN
Gmoedsschlissel: 09 7 78 168
Adress vo dr
Marktverwaltong:
Ottobeurer Str. 10
87733, 87671 (Flohkraut), 87724 (Krautenberg) Markt Rettenbach
Webpräsenz: www.markt-rettenbach.de
Bürgermeister: Alfons Weber (CSU / ÜWG)
Lag vom Markt Markt Rettenbach em Landkreis Unterallgäu
Karte

Markt Reätebaa, au Markt Rettabach (amtlich Markt Rettenbach) isch a Gmoid im Unterallgai in Bayern.

Geografi[ändere | Quälltäxt bearbeite]

d Landschaft[ändere | Quälltäxt bearbeite]

D Gmoid Reätebaa isch im sidlicha Landkreis Unterallgai an dr Grenz zum Ostallgai. Ma ka's in der Landkaat guat finda, wemma da Schnittpunkt vo da Linia Memminga-Kaufbeira und Mindelhoim-Kempta suacht.

Nadturraimlich gseh gheat s Gmoidsgebiet zur Iller-Lech-Platta. Alle Bäch fliaßet vo da Berg her Richtung Norda der Donau zua. Die drei wichtigsta sind d Östlich Günz, d Schwelk und dr Auerbach. Es isch so an der Grenz vom Koara-Abau: im nördlicha Gmoidsgebiet geits scha reladtiv viel Mais, im südlicha so guat wia it.

D diafschda Punkt vo dr Gmoid sind mit um dia 632 Metter iberm Meer dau, wo d Schwelk ins Sonthoimer und dr Auerbach ins Steetener Gebiet neifliaßet. Dr hegschd Punkt isch mit um dia 802 Metter oberhalb vo Stoi an dr Grenz auf Rooschberg zua.

d Ortsdeil vo dr Gmoid[ändere | Quälltäxt bearbeite]

Dr Hauptort, vo deam dia Gmoid au ihren Nama kriat haut, isch Reätebaa. Ussa rum sind nau no a Haufa Deafer, Weiler und Oizlhef, wo friher (bis in d 1970er Jaur) fascht all eigana Gmoida gwea sind. Im Ganza sind s 8 eigaständiga Gmoida gwea. Auf Reätebaa sell haut au vorher scha s Käppala und s Rotmoos gheat.

Nui dazuakomma sind nau 1971 d Gmoid Lannaberg mit Buachabrunna, Nuibuachabrunn und Burg, 1972 Wenada.

A wing später, 1978, nau dia restlicha, wo heit au zur Einheitsgemeinde Markt Rettenbach gherat (bloß dia greaßara Weiler mit aufgführt): Engatriad mit da Linda und m Griasdal, Gottanau, Frechariada mit Altisriad und Krautaberg, Eitahausa mit Liachdanau und Erlis und Mussahausa. Eita- und Mussahausa sind vorher beim Altlandkreis Mindelhoim gwea, dia sechs andra hand auf Memminga gheat.

d Gmoida drum rum[ändere | Quälltäxt bearbeite]

Gmoida, wo ans Gebiet vo Reätebaa agrenzat, sind Ottobeira, Sonthoim, Steeta, Apfeltrach, Unteregg und als oiziga im Ostallgai: Rooschberg.

Gschichdlichs[ändere | Quälltäxt bearbeite]

Der Artikel isch iber dia ganz Gmoid, drum bassts it ganz dau her, iatz d gschchtlich Entwicklung vo Reätebaa dau dana herzumschreiba. Jeder Ortsdeil haut sei eigene Gschicht. Dia easchda urkundlicha Erwähnunga vo da ganza greaßera Dörfer isch vom 12. bis zum 14. Jh. gwea. Gründunga werat aber scha zum großa Deil im 8./9. Jh. vermuatet.

Die Gschicht vo der Marktgmoid Reätebaa im heitiga Umfang gaut so gseah easchd mir der Gmoidsgebietsreforma vo da 1970er Jaur los.

Eiwohner[ändere | Quälltäxt bearbeite]

Jaur 1840 1871 1900 1925 1939
Eiwohner 2149 2233 2542 3012 2718
Jaur 1950 1961 1970 1987 2011
Eiwohner 4048 3279 3226 3282 3695

Dr Ausländeraadoil isch 2011 bei 1,5 % gleage.

Religion[ändere | Quälltäxt bearbeite]

93,4 % vo dr Eiwohner send em Jaur 1987 remisch-katholisch gwea, 5 % evangelisch.

Verwaltong[ändere | Quälltäxt bearbeite]

Reätebaa ghert zua koenere Verwaltongsgmoeschaft. Dr Birgermoeschter vo Reätebaa isch dr Alfons Weber.

Wahla[ändere | Quälltäxt bearbeite]

Ergebnis vo dr Landdagswahla seit 1986:

Jaur CSU SPD FW Griane FDP Sonschtige
1986 72,7 % 14,6 % - 5,3 % 1,6 % 8,4 %
1990 66,8 % 16,4 % - 4,3 % 2,5 % 10 %
1994 64,7 % 17,9 % - 4 % 0,8 % 13,1 %
1998 61,4 % 13,6 % 12,4 % 3,3 % 0,6 % 8,7 %
2003 72,4 % 9,5 % 7,3 % 3,9 % 1,3 % 5,6 %
2008 53,9 % 7,5 % 17,8 % 5,5 % 4,6 % 10,7 %
2013 57,5 % 8,4 % 12,5 % 5,9 % 2,7 % 13 %

Dialekt[ändere | Quälltäxt bearbeite]

Dr Dialekt vo Reätebaa ghert zom Oschtschwäbisch

Des rendtiert sich maul azumluaga[ändere | Quälltäxt bearbeite]

D Wallfahrtskiachana im Käppala (Maria Schnee) und z Mussahause (Maria vom Berge Karmel) sind en Bsuach wert. Dia alt Mihla vo Reätebaa isch ois vo da weniga Fachwerkheiser in der Gmoid. Bis vor a baar Jaur haut ma dau no Meahl und Koara kaufa kenna, heit weat bloß no Strom produziert mitm Wasser vo dr Günz. Am Rand vom steila Günztal zwischa Reätebaa und Engatriad geits bei da Steinfelsen schroffe Felsa zum seah. Na kommt ma iber nette Wanderweag, vorbei an der Kneippalag.

Weblink[ändere | Quälltäxt bearbeite]

 Commons: Markt Rettenbach – Sammlig vo Multimediadateie

Fuaßnota[ändere | Quälltäxt bearbeite]

  1. Bayerisches Landesamt für Statistik – Tabelle 12411-001: Fortschreibung des Bevölkerungsstandes: Bevölkerung: Gemeinden, Stichtage (letzten 6) vom Juli 2016