Lo & Leduc
| Dialäkt: Bärndütsch |
| Chartplatzierige (vorläufig) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Albe[1] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| Single[1] | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Lo & Leduc sy es Schwiizer Mundart-Popduo us Bärn. Di beide Musiker heisse Lorenz «Lo» Häberli (* 1986) u Luc «Leduc» Oggier (* 1989).
Karriere
[ändere | Quälltäxt bearbeite]Dr Lo u dr Leduc hei sech bim 2005 ggründete Bärner Mundart-Ensemble Pacomé lehre kenne. Wo de Luc Oggier 2007 aus Sänger u Rapper vo de Band wäge Stimmproblem es haubs Jahr usgfauen isch, isch de Lorenz Häberli aus Ersatz yygsprunge u nächhär aus fests Mitglied drbyblibe.[2]
2009 hei Pacomé es ersts Aubum vröffentlicht. Druff sy no so vüu Lieder übrig gsy, drum hei die beide Rapper, denn no aus Lo & Luc, drnäbe es eigets Aubum mit em Titu Update 1.0 aus Gratis-Download usebracht.[3][4] Scho es haubs Jahr später isch Update 2.0 äbefalls chostelos über s Internet z haa gsy. S dritte Aubum isch 2012 erschine u isch ufwändiger mit Musig, wo me drzue cha tanze, produziert worde. Ou Update 3.0 isch nomau frey vrfügbar gsy u dank Songs wie Räuber u Poli, wo ou aus YouTube-Video vröffentlicht worden isch, en Erfoug gsy.[5]
No im glychlige Jahr hei d Planige für s erste kommerzieue Aubum vo Lo & Leduc aagfange. A dr Uni hei die beide näbe dr Musig no Germanistik u Geschichte gstudiert. Sie hei mit em Dodo aus Produzänt zämegschaffed, wo scho mit de Steff la Cheffe erfougrych gsy isch.[2] Im Früelig 2014 s Aubum fertig gsy. Mit dr vorhäär vröffentlichte Single All die Büecher sy si uf Platz 42 vo de Singlecharts cho, s Aubum Zucker fürs Volk isch nach im Erschyne im Apriu uf Platz 3 ygstige u het e Wuche später mit Platz 2 syni Höchstplatzierig gha. S Aubum isch s ganze Jahr i de Charts blybe u isch Aafang 2015 nomau i d Top Ten zrüggkehrt, wiu sich de Song Jung verdammt zumene Top-3-Hit entwicklet het. D Single u s Aubum hei Platin-Status erreicht.[6]
Bi de Swiss Music Awards 2015 sy Lo & Leduc d Interpreete mit de meiste Nominierige (Best Group, Best Live Act u Best Talent) gsy. Sie hei d Uszeichnig i aune drü Kategorie gwunne und sy nach em Stress 2008 die zwöite Interpreete, wo drei Awards i eim Jahr gwunne hei.
Im März 2018 isch dr ändgüutig Durchbruch mit dr Single 079 cho. Dä Song isch i de Schwiizer Hitparade uf Platz 1 u isch meh aus 21 Wuche[7] dert blibe. Drfür isch er mit 3-fach Platin uszeichnet worde.
Im Herbscht 2019 isch iire Song 079 bim Wettbewäärb Die grössten Schweizer Hits ufe erscht Platz choo.[8]
Biuder
[ändere | Quälltäxt bearbeite]-
Dr Lorenz Häberli -
Dr Luc Oggier -
Lo & Leduc mit de Julia Portmann -
Lo & Leduc mit Begleitband
Diskografy
[ändere | Quälltäxt bearbeite]Aubum
- Update 1.0 (2009)
- Update 2.0 (2010)
- Update 3.0 fin de siècle (2012)
- Zucker fürs Volk (2014)
- Ingwer und Ewig (2017)
- Update 4.0 (2018)
Lieder
- Magma im Arm (2014)
- All die Büecher (2014)
- Jung verdammt (2014)
- Dynamite (Ira May, Noah Veraguth, Lo & Leduc, 2014)
- Blaui Peperoni (2015)
- Chapeau (Lo & Leduc & Seven, 2016)
- Mis Huus dis Huus (2017)
- Erfunde (2017)
- Für Ingwer und Ewig (2017)
- Chileli vo Wasse (2018)
- 079 (2018)
- Lug wi mir flüge (2018)
Weblink
[ändere | Quälltäxt bearbeite]
Commons: Lo & Leduc – Sammlig vo MultimediadateieFuessnoote
[ändere | Quälltäxt bearbeite]- ↑ 1,0 1,1 Lo & Leduc in der Schweizer Hitparade
- ↑ 2,0 2,1 Lo & Leduc: «Tapferkeit vor dem Freund», Martina Gradmann, Coop Zeitung, 21. Juli 2014
- ↑ Pacomé: Berner Live-Rap vom Feinsten, Jessica King, Berner Zeitung, 9. November 2009
- ↑ Rappend in die Zukunft schauen (Memento vom 21. Juli 2015 im Internet Archive), Yvonne Mühlematter, Berner Oberländer, 15. Februar 2010
- ↑ Zwei auf dem Weg nach oben, Michael Graber, Tagblatt, 10. Januar 2012
- ↑ Gold- und Platinauszeichnungen Schweiz: 2014 / 2015
- ↑ Steffen Hung: Lo & Leduc - 079 - hitparade.ch. Abgruefen am 5. August 2018.
- ↑ Florian Stuber: Die grössten Schweizer Hits: Lo & Leduc siegen bei Jubiläums-Show, uf nau.ch
|
Dä Artikel basiert uff ere fräie Übersetzig vum Artikel „Lo_&_Leduc“ vu de dütsche Wikipedia. E Liste vu de Autore un Versione isch do z finde. |