Seven (Sänger)
_jm06507.jpg)
De Seven (* 18. Oktober 1978 z Wohle[1]; eigetlich Jan Dettwyler[2]) isch e Schwiizer Musiker und Sänger i de Sparte R&B und Soul.
Läbe
[ändere | Quälltäxt bearbeite]De Sohn vomene Tenor und ere Pianistin isch scho als 15-Jährige Sänger i de Band Natural Acapella gsi, wo under anderem im Schwiizer Färnseh ufträtten isch. Sys ersten Album Dedicated To … isch 2002 erschine. Bi de Konzärt het er anderem als Vorgruppe vo Destiny’s Child im Zürcher Hallestadion döffen ufträtte. Sys zweiten Album Sevensoul isch 2004 erschine und isch i de Schwiizer Charts uf Platz 35 cho. S 2005er-Album Lovejam het Platz 9 vo de Schwiizer Charts erreicht. De Seven het chönne z Grossbritannie und bim Sundance Film Festival 2006 ufträtte. S Album Home, wo 2007 veröffentlicht worden isch, het i de Charts Rang 5 und e Goldigi Schallplatte erreicht. Im Februar 2009 isch sys Album Like a Rocket erschine.
2011 het de Seven sys ersten Album z Deutschland usegäh mit em Titel Focused und di dezueghörigi Single Lisa. 2012 isch s Album The Art Is King erschine. 2016 het er a de dritte Staffle vo Sing meinen Song – Das Tauschkonzert teilgnuu.[3] 2020 isch de Seven Gastgäber vo dr erste Staffle vo Sing meinen Song – Das Schweizer Tauschkonzert uf em Färnsehsänder TV24 gsi. Syt März 2021 isch er Gastgäber vo de zweite Staffle vo Sing meinen Song – Das Schweizer Tauschkonzert, wo wider uf TV24 usgstrahlt wird.
De Seven isch verhüratet mit synere Ehefrau Zahra und het zwei Söhn.[4]
Uuszeichnige
[ändere | Quälltäxt bearbeite]- 2009: Prix Walo — Kategorie: "Pop/Rock"[5]
- 2017: Swiss Music Awards — Kategorie: "Artist Award"[6]
Weblink
[ändere | Quälltäxt bearbeite]
Commons: Seven – Sammlig vo Multimediadateie- Seven in dr Internet Movie Database
- Websyte vom Seven
Einzelnachwys
[ändere | Quälltäxt bearbeite]- ↑ Das Netzmagazin (Memento vom 3. Juni 2006 im Internet Archive)
- ↑ aightgenossen.ch (Memento vom 30. März 2012 im Internet Archive)
- ↑ Sing meinen Song 2016: Xavier Naidoo bittet „Seven“ zum Tauschkonzert
- ↑ Martin Allemann: «Ein kreativer Mensch ist wie eine Schale, in welche dauernd neue Dinge reinfallen», zuonline.ch, Interview vom 20. Oktober 2017.
- ↑ 36. PRIX WALO – PRIX WALO. Abgruefen am 27. Dezember 2020.
- ↑ Swiss Music Awards - Stein um Stein: Die Gewinner der Swiss Music Awards 2017. 10. Februar 2017, abgruefen am 27. Dezember 2020.