Nau.ch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
s Logo vo Nau

Nau isch es Nochrichteportal i der Schwiiz.

Es isch es Internet-Medium, wo ane 2017 agfange het Nochrichte professionell zämezstelle und über sini Online-Plattform z’verbreite. Der Verlag ghört der Firma Livesystems Holding AG; das isch es Undernääme, wo mit Wärbig s Gält verdient; es isch ane 2007 ggründet worde.

Für nau.ch schaffe öppe füfzg Journalischte, wo Informazioone us de Regioone und vo der Politik vo der Schwiiz recherchiere und aktuelli Mäldige druus mache. Vo dären Arbet chunt au der Name vom Medium: Nau isch d Abchürzig für die drü Wörter «neu», «aktuell» und «underhaltend».

Me cha d Mäldige vo Nau uf Bildschirm in öfentleche Vercheersmiddel, i Tankstelleshop und Fitnesszänter und mit eren App au uf mobile Gräät läse.

Weblink[ändere | Quälltäxt bearbeite]