Die grössten Schweizer Hits

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

«Die grössten Schweizer Hits» isch e Sändig vom Schwiizer Färnsee. Es wärde drin Lieder vo Schwiizer Künschtler und Künschtlerinne vortreit und s Färnseepublikum cha elektronisch drüber abschtimme, weles Stück am beliebtischten isch.

Sid em Joor 2006 isch d Sändig es paar Mol choo. Anne 2006 ass Färnseeshow am 7. Oktober, im Joor 2007 sächs Mol im Herbscht und im Winter, anne 2008 au sächs Mol im Herbscht, 2009 glych vill mol, und denn het me nach ere zääjöörige Pause d Sändig am 23. Novämber 2019 wider chönnen aluege.

Für die populäri Schwiizer Mundartkultur isch das Agebott vo dr Unterhaltigs-Redakzioon vom Färnsee öppis guets; me het vorhäär jewyle mit Medielüüt e grösseri Uswahl vo bekante nöiere Schwiizer Lieder gsuecht und übers Internet zum Uswähle zeigt, und i de Sändige isch e chlyni Reihe drvo choo. Näbe hochdüütschen und änglische Song sind die meischte Lieder uf Schwiizerdüütsch gsi, zwar nid alli in ere bestimte Mundart, teils sin d Tegscht au eifach in ere künschtlich zämgegschribnige Dialäktmischig.

I de läbige, effektvolle Shows het im Studio dr Moderator Sven Epiney uff Schwiizerdüütsch durs Programm gfüert. Er het mit ere Gruppe vo Studiogescht über d Schwiizer Musig und anderi Sache gredt, i de früenere Programm jewyle mit dr Francine Jordi, em Beni Thurnheer und em Roman Kilchsperger; am 23. Novämber 2019 sind s dr Beni Thurnheer, dr Baschi, dr Bligg, d Tama Vakeesan, dr Trauffer und d Beatrice Egli gsi. Und näbe de Stück vom Wettbewärb het er verschideni anderi Musiker und Gruppe lo ufträtte.

I dr Sändig anne 2006 het s Lied Alperose vo Polo Hofer & SchmetterBand obenusgschwunge.

2007 isch es Dr Schacher Seppli vom Ruedi Rymann gsi.

I dr Schlussrundid anne 2008 isch dr Ku-Ku Jodel vo Oesch’s die Dritten ufe erscht Platz cho.

2009 Das Feyr vo dr Sehnsucht mit em Jodlerklub Wiisebäärg und dr Francine Jordi.

Anne 2019 het s Publikum s Mundartlied 079 vo Lo & Leduc am liebschte gha.

Uffs Ganze gseh git die Sändereihe es Bild vo de Schwiizer Lieder us dr jüngere Zyt, wo bim Publikum im Land bsunders aachöme.