Libelle Verlag
Libelle isch e Independent-Verlag mit Sitz am Bodesee, wu anne 1979 grindet woren isch. Schwärpinkt vum Verlag sin Biografie, Belletrischtik, Theaterstugg, Wisseschaftssatire, pedagogischi Sachbücher un Kulturgschicht vum Bodeseeruum.
Gschicht[ändere | Quälltäxt bearbeite]
Dr Verlag isch am 1. April 1979 vum Ekkehard Faude grindet wore.[1] Vu 1979 bis 1991 sin d Biecher unter em Name Faude Verlag uusechuu, aafangs z Konschtanz-Litzelstette, derno z Konschtanz-Petershuuse. Anne 1991 isch d Redakteri Elisabeth Tschiemer derzue chuu.[1] Dr Verlag isch in „Libelle Verlag“ umgnännt wore, noch em Verlags-Signet, dr Libelle, wu mer scho syter 1980 bruucht het, un sidli vu Konschtanz im Kanton Thurgau gmainschaftli neigrindet wore. Verlagsort isch ab 1991 Bottighofe gsii, syt 1994 het dr Libelle-Verlag sy Sitz in dr Nochbergmai Lengwil.[1]
Zue dr Uuszaichnige vu „Libelle“-Biecher gheere: Rauriser Litertaturbryys 1997 – zäme mit dr Felicitas Hoppe – fir d Katrin Seebacher (Morgen oder Abend), Bodesee-Literaturbryys 1997 fir dr Manfred Bosch (Bohème am Bodensee), Dytsche Krimi-Bryys 2000 fir dr Ulrich Ritzel (Schwemmholz), Ferderbryys vum Dytsche Literaturfond 2003 fir d Uta Titz (Stella Runaway), Burgdorfer Krimibryys 2004 fir dr Ulrich Ritzel (Der Hund des Propheten), Erwin-Schwartz-Grundschuelbryys 2006 an d Heide Bambach.
S Image vum Verlag isch scho frie doderdur bregt wore, ass mer elteri Autor*ne wider entdeckt het – wie d Lilly Braumann-Honsell (Kleine Welt – große Welt. Frauen erleben ein Jahrhundert am Bodensee, 1981); dr Carl Spindler (Die Schwertbergers, 1982), dr Joseph Albrecht von Ittner (Der schöne Scharfrichter, 1983), dr Jacob Picard (Werke, 1991), dr Franz Michael Felder (Aus meinem Leben, 2004) un d Nelly Dix (Ach, meine Freundin, die Tugend ist gut, aber die Liebe ist besser, 2011).
Dr grescht Erfolg isch d Widerentdeckig vum Fritz Mühlenweg gsii, wu vu 1991 bis 2006 regelmäßig Romän, Verzellige, Gedicht un Expedizionsdäägbiecher vun em editiert wore sin. Dr Ekkehard Faude, wu fir alli Biecher biografischi Noowort gschribe het, het ab 2008, aagregt dur d Gmai Alleschbach e Mühlenweg-Museum kuratiert. Des Musem, wu as literarischi Mahnstätt vum Literaturarchiv Marbach mitdrait wird, isch im Juni 2012 im alte Bahnhof z Alleschbach ufgmacht wore.[2]
Vu Aafang aa het mer mit dr Brogrammarbet au Fraid an Entdeckige bewise. Mer het verschideni Autor*ne uf dr dytschsprochig Buechmärt brocht, alli mit ire erschte Biecher : Tobias Engelsing (Menschen im Paradies; 1981); Ernst Peter Fischer (Die Welt im Kopf; 1985), Heide Bambach (Erfundene Geschichten erzählen es richtig; 1989), Katrin Seebacher (Morgen oder Abend; 1996), Yasmina Reza (KUNST; 1996), Eric-Emmanuel Schmitt (Der Besucher; 1997), Angelika Overath (Händler der verlorenen Farben; 1998), Ulrich Ritzel (Der Schatten des Schwans; 1999), Ilse Helbich (Schwalbenschrift; 2003), Uta Titz (Stella Runaway; 2003), Sigrid Faltin (Die Baroness und das Guggenheim; 2005), Bernadette Conrad (Nomaden im Herzen; 2006), Thomas Wörtche (Das Mörderische neben dem Leben; 2008), Maria Bosse-Sporleder (Im fünften Koffer ist das Meer; 2012) un Ilse Rau (Meine Mara-Jahre; 2016).
Aafangs 2018 het d Aigedimer vum Verlag bschlosse, ass si dr Verlag langsem uuslaufe leen.[1]
Brogramm[ändere | Quälltäxt bearbeite]
S Verlagsbrogramm umfasst rund 120 Titel (Stand: Mitti 2018). Dodrunter het s di dytschsprochige Ibersetzige vu s Yasmina Rezas Theaterstugg Kunst, Drei Mal Leben un Der Gott des Gemetzels. Dernäbe verlait mer unter anderem Wärch vu däne Autor*ne: Heide Bambach, Manfred Bosch, Hans Brügelmann, Nelly Dix, Sigrid Faltin, Ilse Helbich, Christoph Meckel, Fritz Mühlenweg, Angelika Overath, Georges Perec, Ulrich Ritzel, Katrin Seebacher, Uta Titz (Krazy), Peter Stobbe un Thomas Wörtche.[3]
Dr Bodesee as en uffige europäische Kulturruum hän vor allem Titel vum Arno Borst (Ritte über den Bodensee, 1992; Mönche am Bodensee, Neiuusgaab 2010) un Manfred Bosch (Bohème am Bodensee, 1997) zum Thema gmacht.
Anne 1984 het dr Tobias Engelsing im domolige Faude-Verlag unter em Titel Kumm gang mer ewäg e Anthology mit alemannische Gedicht vu Autor*ne us dr Region Konschtanz uusgee.
Mit dr uflagestarke Biecher vum Autor Hans Brügelmann isch dr Verlag vu 1983 (Kinder auf dem Weg zur Schrift) bis 2005 (Die Schule entdecken) vor allem im Beraich vu dr Lääs- un Schrybdidaktik bekannt wore. Ab 1986 sin insgsamt segs Johrbiecher vu dr „Deutsche Gesellschaft für Lesen und Schreiben“ (DGLS) uusechuu. Meefach ufglait het mer Erfundene Geschichten erzählen es richtig (1989) vu dr Heide Bambach, dr Laiteri vu dr Grundstapfle an dr Bielefelder Laborschuel vum Hartmut von Hentig. S meefach noodruckt Buech vum Hans Brügelmann un dr Erika Brinkmann (Die Schrift entdecken, 1984) lauft syter 1998 in ere komplett duregschaffte Fassig unter em neie Titel Die Schrift erfinden.
Uusechuu sin im Verlag au chunschtgschichtligi Wärch iber Walter Kaesbach, Walter Matysiak, Fritz Mühlenweg, Matthias Holländer un Hans Sauerbruch mit Byydreg vu Christoph Bauer, Ekkehard Faude, Adolf Muschg, Matthias Sauerbruch un Barbara Stark.
Uusstellig[ändere | Quälltäxt bearbeite]
- 2019/2020: „Diese Verlegerei gibt sich gern humorvoll – meint es aber zugleich ernst.“ Der Flug der Libelle. 40 Jahre Verlagsgeschichte. Hesse Museum Gaiehofe[4]
Weblink[ändere | Quälltäxt bearbeite]
- Literatur vu un iber Libelle Verlag im Katalog vu dr Dütsche Nazionalbibliothek
- libelle.ch
Fueßnote[ändere | Quälltäxt bearbeite]
- ↑ 1,0 1,1 1,2 1,3 Libelle Verlag: Zickzackflug und ein langsamer Abschied. thurgaukultur.ch, 6. Februar 2018.
- ↑ Pressetext Mühlenwegmuseum Allensbach.
- ↑ Brummen am Bodensee. Der Verlag „Die Libelle“. Deutschlandfunk, 27. Mai 2003
- ↑ Barbara Paul: Libelle-Verlag feiert 40-jähriges Jubiläum im Hesse Museum Gaienhofen. Audio-Sändig vu SWR2-Literatur, 2. Oktober 2019.
|
Dä Artikel basiert uff ere fräie Übersetzig vu dere Version vum Artikel „Libelle_Verlag“ vu de dütsche Wikipedia. E Liste vu de Autore un Versione isch do z finde. |