Klingnauer Stausee

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Stausee vo Chlingnau isch e künschtleche See a dr Aare im Kanton Aargau.

Dr See lyt im Jura i dem Taal, wo d Aare derdur vom Middelland gäge Norde zum Rii lauft. Uf dr rächte Syte sind d Gemeind Döttige und d Stadt Chlingnau und uf dr lingge Syte d Dörfer Böötschde und Gippige.

Dr Stausee isch fürs Chraftwärch vo Chlingnau i de 1930er Joor gmacht worde.

Da, wo jetz der See lyt, isch d Aare früener dur ne wyti Auelandschaft gloffe. [1] Zwüsche Däntsche uf beidne Syte, wo höcher sind als s Land näbedra, und em Stauweer het der See sin Platz. Er isch nid töif, und grad wäge däm sich die grossi Wasserflechi für d Wasservögel guet. Yheimeschi und au Zugvögel chömed dörthi, und middlerwyl zellt dr See zu de wichtige Naturschutzpiet vo dr Schwiiz. Rund ume See het’s Fäldwääg, wo für d Wanderer un d Velofaarer agnääm sind, und am Uufer e spezielle Uussichtsdurm zum d Tier ufem Wasser z beobachte.

Dr Kanton Aargau möcht en Deil vom See usbaggere, wil dä vil z schnäll tuez zuewachse. Das Projäkt isch schwirig wäge giftige Substanze, wo me-n im Seebode gfunde het.[2]

Weblink[ändere | Quälltäxt bearbeite]

 Commons: Klingnauer Stausee – Sammlig vo Multimediadateie

Fuessnoote[ändere | Quälltäxt bearbeite]

  1. Rudolf Siegrist: Die Aare bei Klingnau: eine topographisch-naturwissenschaftliche Studie. Züri 1962
  2. Kreis Waldshut: Klingnauer Stausee: Kan-ton Aargau will giftigen Schlamm in den Rhein pumpen – badische-zeitung.de. Abgrüeft am 2014-07-03.