Khadim Hussain Rizvi

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Owerelsassisch
Dr Khadim Hussain Rizvi ànna 2018.

Dr Khadim Hussain Rizvi (Urdu خادم حسين رضوى‎; * 22. Juni 1966 z’ Pindigheb, Wäschtpàkischtàn; † 19. Novamber 2020 z’ Lahore) ìsch a pàkischtànischer islàmischer Lehrer un Preediger gsìì vu dr Barelwi-Bewegung. Vu 2015 bis züa sim Tod ìsch’r dr Grìnder un Vorsìtzender gsìì vu dr islàmischta politischa Pàrtäi Tehreek-e-Labbaik Pakistan, wo-n-ìhrer Progràmm numma ìsch, d’ Gottesläschterung ìm Pàkischtàn z' verbiata. Noh sim Tod ìsch si Suhn Vorsìtzender vu dr Pàrtäi worra.

Dr Rizvi hàt fliassend Urdu, Punjabi, àràwisch un persisch greedt. Nawa-n-em Kuràn un da Hàdith hàt’r oft ìm Ahmad Riza Khan Barelwi un ìm Muhammad Iqbal ìhra Gedìchta zitiart.[1] Sina Àhanger betràchta ìhn àls a „Pir“ (Hailig'r).[2]

sina Jugend un Bìldung[ändere | Quälltäxt bearbeite]

Dr Khadim Hussain Rizvi ìsch àm 22. Juni 1966 ìm Dorf Pindigheb uf d’ Walt kumma, ìm Nordwäschta vu dr hittiga pàkischtànischa Provìnz Punjab. Si Brüader Ameer Hussain ìsch Offiziar gsìì ìn dr pàkischtànischa Àrmee. Ìn sinera Jugend hàt ma dr Rizvi beschrìewt àls a schischer un z’ruckhàltender Büa.

Dr Rizvi hàt d’ Hafiz-Klàssa z’ Jhelum ààgfànga. Ar hàt dernoh àn dr Jamia Nizamia z’ Lahore gschtudiart.[3] Ar ìsch a Hafiz-e-Quran (so zu sàga, ar hàt dr gànza Kuràn ischtüdiart) un a Scheich-ul-Hadith.[3] Ànna 2006 ìsch’r noh-n-em Otounfàll z’ Gujranwala làhm worra, un hàt zitterhar ìn’ma Rollschtüahl müessa gànga. Vu dr Wanda vu da 2000. Johra àà bis ànna 2010 hàt ar s’ Fritigsgebat gfiahrt ìn dr Pir-Makki-Moschee z’ Lahore.[3]

sina berüaflicha Kàrriar[ändere | Quälltäxt bearbeite]

Dr Rizvi ìsch Beàmter gsìì vum Minischterium fìr d’ religiösa Ààglagahaita vu dr Regiarung vun Punjab, àls ma ìm Janner 2011 dr Gouverneur vu Punjab Salman Taseer ärmorda hàt, wial ar d’ Krìschta Asia Bibi unterschtìtzt hàt. Dr Taseer ìsch a Gegner vum Gesätz gsìì, wo d' Gottesläschterung ìm Pàkischtàn verbiatet, àlso hàt dr Rizvi dr Mord güat ghaissa. Ar hàt a Màhnung vu dr Regiarung bikumma, àwer ar hàt sina Mainung wìderholt. Wagadam ìsch’r entloh worra.[3]

Dernoh hàt’r ààgfànga, d' Todesschtroof fìr jeda Gottesläschterung z’ befìrworta, un hàt àlla Gegner vum Blàsphemigsätz àls Gottesläschterer betràchtet. Ar hàt àui d’ Befräijung vum Mumtaz Qadri verlàngt, wo dr Gouverneur ärmorda hàt.[3]

sina politischa Làuifbàhn[ändere | Quälltäxt bearbeite]

dr Ààfàng ìn Politik[ändere | Quälltäxt bearbeite]

Dr Khadim Hussain Rizvi ànna 2016.

Àm 1. Àuigscht 2015 hàt dr Rizvi dr rachtsextremischta islàmischta Pàrtäi Tehreek-e-Labbaik Pakistan (TLP) grìnda un ìsch ìhra ärschta Vorsìtzenda gsìì. Ìm Novamber 2017 hàt’r a Proteschtbewegung gega dr Juschtizminischter Zahid Hamid glaita. Ìm Hamid hàt ma vorgworfa, àss’r d’ religiösa Vorschrìfta ìm Gsätz hàt wìlla liberàlisiara. Noh da Proteschta ìsch dr Hamid üs sim Àmt z’ruckgtretta.[3][4]

Noh dia Proteschta ìsch dr Rizvi vu’ma antitärrorischta Grìchtshof ààklàgt worra. Glichzittlig hàt dr Ìwerschta Gerìchtshof vum Pàkischtàn ìm Rizvi sina Finanziarungsqualla untersüacht, àwer hàt sa nìtt känna identifiziara. ’S hàt a Berìcht vum Gehaimdianscht Inter-Services Intelligence àbgwiisa, wial ar „gedrangt“ gsìì war. Da Berìcht hàt „Finanziarungsqualla“ ärwähnt, ohna wittera Informàzion.[5]

Àn dr Pàrlàmentswàhl vu 2018 hàt sina Pàrtäi TLP 4,4% vu da Schtìmma bikumma, àwer hàt kä Wàhlkrais un àlso kä Sìtz vu dr Nàtionàlversàmmlung gwunna.

d’ Demonschtràtiona gega d’ Asia Bibi[ändere | Quälltäxt bearbeite]

Ìm Novamber 2018 hàt dr Rizvi a Proteschtbewegung glaita gega dr Fräischpruch vu dr Asia Bibi. Doo han d’ Demonschtrànta d’ Uffhangung vum Maidla àgfordert.

Àm 4. Àwril hàt d' pàkischtànischa Regiarung ìm Rizvi si Twitter-Konto loo sperra, wial ar doo fàlscha Informàziona un Uffrüafung züa Gewàlt veräffentligt hàt.[6] Àm 23. Novamber ìsch dr Rizvi vu dr Polizei vu Pundjab verhàftet worra, waga Uffrüahr gega dr Stààt, wial ar a Versàmmlung z’ Islamabad düa organisiara hàt, fìr dr ärschta Johr vu da Proteschta vum Novamber 2017 z’ fiira.[7] Ìm Mai 2019 ìsch’r gega Kaution fräigloo worra.[8]

d’ Proteschta gega dr Film „Zindagi Tamasha“[ändere | Quälltäxt bearbeite]

Ànna 2020 hàt dr Rizvi Proteschta gega dr pàkischtànischa Fìlm „Zindagi Tamasha“ üssglest. Ar hàt dr Filmemàcher Sarmad Khoosat mìt Gottesläschterung ààklàgt. Noh-n-em Rizvi hàt dr Fìlm a Kritik gega d' Ulama gzaigt, un a Bezihung uff d’ bacha bazi.[9][10] Waga da Proteschta hàt ma d' Ärschiinung vum Fìlm verlegt.[10]

d’ Demonschtràtiona gega d’ Kàrikàtüra[ändere | Quälltäxt bearbeite]

Nohdam àss d’ nìederlandischa Pàrtäi fìr d’ Freiheit (PVV) a Wättkàmpf vu Mohammed-Kàrikàtüra àkìndigt hàt, hàt dr Rizvi gsajt: „Gìbt mir a Àtombomba un ìch wird s’ Holland üss dr Ardflächa üsswecha“.[11]

Ìn'ra Video, wo-n-’r àm 24. Novamber 2020 uf sin'ra offiziella YouTube-Kanal veräffentligt hàt, hàt dr Rizvi verlàngt, àss d' pakischtanischa Regiarung dr Dschihad màcht gega „dajeniga, wo dr Profeet Mohammed verlöimda“; ar hàt àui züa-n-’ra Àtomkriag gega Frànkrich uffgrüafa, nohdam àss dr fànzeescha Presidant Emmanuel Macron noh-n-em Mord vum Samuel Paty s’ Racht uf Kàrikàtür unterschtìtzt hàt.[12] Üsserdam ìsch dr Rizvi dr Organisator gsìì vu da groossa Demonschtràtiona, wo-n-ìm Harbscht 2020 ìm gànz Pàkischtàn schtàttgfunda han.[13]

Àm 16. Novamber 2020 hàt dr Rizvi z' Islamabad gredt mìt em Ìnnenminischter Ijaz Shah un em Minischter fìr d’ religiösa Ààglagahaita Noor-ul-Haq Qadri. Àm nachschta Tàg hàt’r s’ And vu da Proteschta àkìndigt, wia àui vu dr Blokiarung vu dr Hàuiptstàdt: mìt em Regiarung seig a Vertràg gfunda worra, drunter d’ Unterbrachung vu da diplomàtischa Bezihunga mìt’m Frànkrich, d’ Üsswiisung vum frànzeescha Botschàfter Marc Baréty, d’ Bhàltung vu dr Wàkàtür vum Sìtz vu dr Botschàft vum Pàkischtàn ìm Frànkrich, wia àui a offiziella Veràchtung vu da frànzeescha Produkta un d’ Befräijung vu da Mìtglìeder vum TLP, wo ma wahrend da Demonschtràtiona verhàftet ghàà hàt. D' pàkischtànischa Regiarung hàt àwer numma d’ Befräijung vun da Pàrtäimìtglìder àkìndigt.[14][15][16]

si Tod un sina Beardigung[ändere | Quälltäxt bearbeite]

D' Beardigung vum Rizvi z Lahore.

Nohdam àss dr Rizvi àm 18. Novamber 2020 z’ruck ìm Punjab gsìì ìsch, ìsch’r käijt. Ma hàt ìhn àlso ìns Shaikh Zayed Hospital vu Lahore gebrocht. Àm 19. Novamber um 20 Uhr 48 hàt ma ìhn offiziell àls tot ärklärt.[17] Ar hàt stàrka Fiawer un Schwerikaita fìr d' Otmung ghàà, wo viallacht Vorzaicha vu dr COVID-19 gsìì sìn, àwer ma hàt kä Obdükzion gmàcht.[18] Si Sohn Saad Hussain Rizvi hàt ìhm àls Vorsìtzender vu dr Tehreek-e-Labbaik Pakistan nohgfolgt.[19]

Àn dr Beardigung vum Rizvi sìn mehrera Zehn- odd'r Hunderttàuisenda Litt um d’ „Minar-e-Pakistan“ z’ Lahore zammakumma. ’S ìsch àlso aina vu da wìchtigschta Beardigunga z’ Lahore gsìì, zitter dia vum Ilm-ud-din ànna 1929.[20][21][22] ’S Totagebat hàt dr Suhn gfiahrt.[19] Dr Rizvi hàt ma ìn dr Madrassa Abuzar Ghaffari beardigt, nawa dr Moschee Rehmatul-lil-Aalameen, wo-n-’r Fritigspreediger gsìì ìsch.[23][24]

ìm Rizvi sina veräffentligta Wark[ändere | Quälltäxt bearbeite]

Dr Rizvi hàt mehrera Biacher gschrìewa, drunter:[25]

  • Tayaseer Abwab-ul-Sarf (تیسیر ابواب الصرف), Maktba Majadia Sultania, 2013, 680 S.
  • Talelat-e-Khadimiya (تعلیلات خادمیہ), Allama Fazal Haaq Publications, 2015, 677 S.
  • Fazail-e-Durood Shareef (فضائل درود شریف), Dajkot, 2018, 332 S.

Referanza[ändere | Quälltäxt bearbeite]

  1. K K Shahid: ‘If I curse in anger, it is justified’. In: The Friday Times. Band XXIX, Nr. 43, 7. Dezember 2017 (englisch, thefridaytimes.com).
  2. Khaled Ahmed: State's Surrender. In: Newsweek Pakistan. 2. Dezember 2017, abgruefen am 9. September 2019 (änglisch).
  3. 3,0 3,1 3,2 3,3 3,4 3,5 Kalbe Ali: Who is Khadim Hussain Rizvi? In: Dawn. 2. Mai 2011, abgruefen am 6. November 2018 (änglisch).
  4. Tehreek Labaik Ya Rasool Allah (SAW) protest continue. In: Times of Islamabad. 9. November 2017, abgruefen am 24. Dezember 2020 (änglisch).
  5. Haseeb Bhatti, Mohammad Imran: Anti-Terrorism Court orders arrest of TLP chief Khadim Rizvi, others in Faizabad sit-in case. In: Dawn. 19. März 2018, abgruefen am 24. Dezember 2020 (änglisch).
  6. TLP chief Khadim Rizvi's Twitter account suspended. In: The Express Tribune. 4. November 2018, abgruefen am 26. Dezember 2020 (änglisch).
  7. TLP head Khadim Rizvi taken into 'protective custody', scores of workers arrested in crackdown. In: Dawn. 23. November 2018, abgruefen am 26. Dezember 2020 (änglisch).
  8. Pakistan orders release of cleric who led Asia Bibi protests. France 24, 14. Mai 2019, abgruefen am 28. Dezember 2020 (änglisch).
  9. Film about cleric held over 'risk to Muslims'. In: bbc.com. BBC, 22. Januar 2020, abgruefen am 17. Dezember 2020 (änglisch).
  10. 10,0 10,1 Asad Hashim: Pakistan delays release of film after far-right protest threat. Al Jazeera, 21. Januar 2020, abgruefen am 27. Dezember 2020 (änglisch).
  11. Khaleda Rahman: 'Give me an atom bomb and I'll wipe Holland off the face of the earth,' vows leader of Pakistani Islamist group in response to Prophet Muhammad cartoon competition. In: Daily Mail. 10. Juli 2018, abgruefen am 2. November 2020 (änglisch).
  12. Pakistani Politician and Islamic Scholar Allama Khadim Hussain Rizvi Calls on Pakistani Government to Use the Atom Bomb, in the Wake of the Charlie Hebdo Cartoons Affair. In: Memri.org]. 24. Oktober 2020, abgruefen am 2. November 2020 (änglisch).
  13. Nouvelle manifestation d'islamistes contre la France au Pakistan. In: Le Figaro. 16. November 2020, abgruefen am 20. November 2020 (französisch).
  14. Manifestations.Le Pakistan donne des gages aux islamistes face à la France. 18. November 2020, abgruefen am 20. November 2020 (französisch).
  15. Florise Vaubien: Pakistan : des milliers d'islamistes manifestent à nouveau contre la France. In: rtl.fr. RTL, 16. November 2020, abgruefen am 20. November 2020 (französisch).
  16. Emmanuel Derville: Au Pakistan, les islamistes se déchaînent contre la France. In: Le Figaro. 17. November 2020, abgruefen am 20. November 2020 (französisch).
  17. Roohan Ahmed: TLP’s Khadim Rizvi passes away in Lahore. In: samaa.tv. Samaa TV, 19. November 2020, abgruefen am 20. November 2020 (änglisch).
  18. Death of firebrand cleric in Pakistan clouds future of extremist movement. France 24, 21. November 2020, abgruefen im November 2020 (änglisch).
  19. 19,0 19,1 Muhammad Taimoor, Imran Gabol: Huge turnout for TLP chief Khadim Rizvi's funeral at Lahore's Minar-i-Pakistan. In: Dawn. 21. November 2020, abgruefen am 23. November 2020 (änglisch).
  20. Khadim Rizvi: Pakistani cleric's funeral flouts coronavirus rules. In: DW.com. Deutsche Welle, 21. November 2020, abgruefen am 23. November 2020 (änglisch).
  21. Pakistan: foule immense aux funérailles d'un islamiste à l'origine de manifestations anti-françaises. In: Courrier international. 21. November 2020, abgruefen am 23. November 2020 (französisch).
  22. Sabir Shah: Khadim Hussain Rizvi’s funeral one of the biggest in Lahore’s history. In: The News International. 22. November 2020, abgruefen am 23. November 2020 (änglisch).
  23. Iqtidar Gilani: TLP chief Khadim Hussain Rizvi laid to rest. In: The Nation. 22. November 2020, abgruefen am 23. November 2020 (änglisch).
  24. Funeral prayers for Khadim Rizvi today. In: Dawn. 22. Dezember 2020, abgruefen am 23. November 2020 (änglisch).
  25. Em Khadim Hussain Rizvi sina Biacher uf-em offiziella Wäbsitt vu dr Marfat Library. Abgeruefen am 12. Dezember 2020 (änglisch).

Externa Links[ändere | Quälltäxt bearbeite]

 Commons: Khadim Hussain Rizvi – Sammlig vo Multimediadateie
Information icon.svg Dä Artikel basiert uff ere fräie Übersetzig vu dere Version vum Artikel „Khadim_Hussain_Rizvi“ vu de frànzeesche Wikipedia. E Liste vu de Autore un Versione isch do z finde.
Information icon.svg Dä Artikel basiert uff ere fräie Übersetzig vu dere Version vum Artikel „Khadim_Hussain_Rizvi“ vu de anglische Wikipedia. E Liste vu de Autore un Versione isch do z finde.