Dschääsfestiwal Baasel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

S Dschääsfestiwal Baasel isch en internazionaali Muusigveraastaltig, wo jeedes Joor im Früelig in dr Schwizer Stadt Baasel stattfindet.

Gschicht[ändere | Quälltäxt bearbeite]

Im Februar 1976 het "Jazz in Basel" under dr Läitig vom Urs Blindenbacher in dr Baasler Safrezumft en ersts Dschääskonzärt organisiert, mit em Posuunist Albert Mangelsdorff. In de Joor druf, wo d Safrezumft z chlii worde isch, häi d Konzärt in gröössere Sääl stattgfunde, im Stadttheater, in dr Muusigakademii, im Stadtcasino Basel, im Volkshuus, im Burghof Lörrach, im Kunstmuseum Baasel und im bird's eye jazzclub. Denn si si vo Jazz in Basel/OFF BEAT und dr Dschäässchuel Baasel zämme under em Leibel «JAZZ BY OFF BEAT/JSB» organisiert worde mit em Blindenbacher as künstlerischem Läiter.[1] 2012 het d Stifdig Jazzfestival Basel dr Verdraag vom Blindenbacher nüm ernöijeret, wil si s finanzielle Risiko nüm uf sich het welle nee. Dr Blindenbacher het denn d Off Beat Concert GmbH gründet, wo s Konzärt 2013 organisiert het.[2]

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Mediemiddäilig vom Baasler Regierigsroot vom 11. Septämber 2007, abgrüeft am 5. Januar 2014
  2. Schweiz am Sonntag (Site cha nüme abgrüeft wärde; Suche im Webarchiv)[1] [2] Vorlage:Toter Link/www.schweizamsonntag.ch, Usgoob vom 21.10.2012, abgrüeft am 5. Januar 2014