Urs Blindenbacher

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Urs Blindenbacher (* 1953) us em baaselbietische Oberwil BL isch e Schwizer Veraastalter vo Dschääskonzärt.

Dr Blindenbacher schafft im Hauptbruef as Leerer für Dütsch und Gschicht am Gümnasium z Liestel. Nääbebi isch er au Theaterpedagoog und veraastaltet Konzärt. Er het im domoolige "Jazz-Workshop am Totentanz" e baar Konzärt organisiert und denn "Jazz in Basel" gründet. 1990 isch dr Veräin "Jazz by Off Beat" gründet worde, wo jede Früelig s internazionale Dschääsfestival Baasel organisiert het, und sit em Aafang vo de 2000er Joor mit dr Dschäässchuel Baasel zämmeschafft.[1] D Stifdig Jazzfestival Basel het 2012 dr Verdraag vom Blindenbacher as künstlerischem Läiter nit ernöijeret, und dä het d Offbeat Concert GmbH gründet, wo denn s Basler Dschääsfestiwal 2013 organisiert het.[2][3]

Uszäichnige[ändere | Quälltäxt bearbeite]

Für sis Angaaschemang für e Dschääs het dr Blindenbacher 2007 dr Kulturbriis vo dr Stadt Baasel überchoo.

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. Mediemiddäilig vom Baasler Regierigsroot vom 11. Septämber 2007, abgrüeft am 5. Januar 2014
  2. Schweiz am Sonntag (Site cha nüme abgrüeft wärde; Suche im Webarchiv)[1] [2] Vorlage:Toter Link/www.schweizamsonntag.ch, Usgoob vom 21.10.2012, abgrüeft am 5. Januar 2014
  3. Radio Swiss Jazz: Interwiuu vo dr Dorothea Gängel mit em Urs Blindenbacher, abgrüeft am 5. Januar 2014