Jakob II. vu Bade

Dr Jakob vu Bade (* 6. Juni 1471 uf Burg Hochebade/Bade-Bade; † 27. April 1511 z Köln) isch e badische Brinz, (Titular-)Markgrof vu Bade un ab 1503 as Jakob II. vu Bade Erzbischof un Churfirscht vu Trier gsii.

Lääbe

Dr Jakob vu Bade isch dr eltscht Suhn un s zwait vu fufzeh Chinder vum Markgrof Christoph I. (1453–1527) un däm syre Frau Ottilie vu Katzenelnbogen (um 1451–1517) gsii. Reguleer wär het er as Markgrof Jakob II. d Regierig vu dr Markgrofschaft Bade ibernuu, het aber no dr Familietradizion e gaischtligi Laufbahn yygschlaa. Ab 1489 het er z Bologna un z Rom Theology studiert. Anne 1490 isch er uf zeh Johr zum Propscht vum Stift St. Paulin z Trier gwehlt wore, im Johr druf au zum Domizellar. 1497 bis 1498 sich er Domkanoniker z Mainz un z Augschburg gsii, 1499 cheniglige Chammerrichter. Sy Großunkel, dr Erzbischof vu Trier Johann II. vu Bade, het en am 16. Jänner 1500 zum Koadjutor mit em Rächt uf Noofolg (lat. „coadiutor cum iure successionis“) gmacht, är sich drei Johr speter gstorbe, am 9. Februar 1503. Scho syter 1501 het dr Jakob vu Bade d Regierigsgschäft vum Erzbischtum gfiert. Diräkt noch em Dod vum Johann II. isch dr Jakob as Jakob II. vu Bade zum Erzbischof vu Trier gwehlt wore, gege d Opposizion vun eme Dail vum Domkapitel un vum Adel un dr Landständ. Am 28. Jänner 1504 het dr Jakob II. sy Bischofswei iberchuu. Vum Chaiser het dr nei Erzbischof dr Ufdrag kriegt, in dr Händel zwische verschidene Städt wie Landshut, Worms un Köln z schlichte. Wichtigi Ufgabe in sye churze Regierigszyt sin di notwändig Konsolidierig vu dr erzstiftlige Finanze gsii. Är het au di nei Uniwersitet Trier gferderet un s Bruederschaftswäse wider zum Lääbe gweckt. Bi aim vu dr vyle Schlichtigsverfahre, wun er vorgsässen isch, isch er mit nit ganz vierzg Johr am 27. April 1511 z Köln gstorbe un isch zerscht in dr Stiftschilche St. Florin z Koblenz vergrabe wore. Fascht drei Johrhundert speter sin syni stärblige Iberräscht am 25. Juni 1808 in d Familiegruft vum Huus Bade iberfiert wore.

Literatur

Bernhard Endrulat: Jakob II., Kurfürst von Trier. In: Allgemeine Deutsche Biographie (ADB). Band 13, Duncker & Humblot, Leipzig 1881, S. 548 f.
Johann Leonardy: Geschichte des trierischen Landes und Volkes. 2. Aufl. Trier 1877, S. 594–595 im Internet Archive

Weblink

Commons: Jakob II. vu Bade – Sammlig vo Multimediadateie

Baden Jakob von in dr Datebank Saarland Biografien
Bruderschaften

Vorgänger
Johann II. vu Bade

Churfirscht un Erzbischof vu Trier
1503–1511

Nochfolger
Richard vu Greiffenklau zu Vollrads

Dä Artikel basiert uff ere fräie Übersetzig vu dere Version vum Artikel „Jakob_II._von_Baden“ vu de dütsche Wikipedia. E Liste vu de Autore un Versione isch do z finde.