Schloss Hochebade

Schloss Hochebade
Alternativnäme:	Burg Hochebade Altes Schloss
Entstehigsziit:	um 1100
Burgetyp:	Hangburg
Erhaltigszuestand:	Ruine
Ort:	Bade-Bade
Geografischi Lag:	48° 46′ 36″ N, 8° 14′ 40″ OKoordinate: 48° 46′ 36″ N, 8° 14′ 40″ O
Höchi:	410 m ü. NN
	Schloss Hohenbaden (Baden-Württemberg) Schloss Hohenbaden
	Schloss Hohenbaden (Baden-Württemberg) Schloss Hohenbaden

Im Schloss Hochebade (bi dr Grindig Burg Hochebade, hite Alts Schloss) z Bade-Bade sin d Markgrofe vu Bade gwohnt.

D Burg isch as erschts Herrschaftszäntrum vu dr Markgrofe vu Limburg am Weschthang vum Battert iber em Ort Bade böue wore, wu die ihri Herrschaft an dr Oberryy verlageret hän. S wird aagnuu, ass mit eme Böu vu dr Oberburg, em sognännte Hermannsböu, um s Johr 1100 dur dr Markgrof Hermann II. (1074–1130) aagfange woren isch. Ab 1112 hän sich d Markgrofe von Baden gnännt.

Unter em Markgrof Bernhard I. vo Baden (1372–1431) isch di gotisch Unterburg entstande, wu dur dr Markgrof Jakob I. (1431–1453) zum repräsentative Zäntrum vu dr Markgrofschaft erwyteret woren isch. Dr wichtigscht Deil vum Böu isch dr Bernhardsbäu (um 1400), wu friejer s Gwelb dervu dur e Syyle gstyperet woren isch mit eme vu Ängel draite Wappe. In syyre Glanzzyt het s Schloss hundert Ryym gha.

No im nämlige Johrhundert het dr Markgrof Christoph I. s Nej Schloss in dr Stadt Bade erwyteret, wu 1370 dermit aagfange woren isch, un het d Residänz anne 1479 dert ane verlageret. S Alt Schloss het derno as Sitz fir d Wittfraue dient, 1599 isch s schließli dur e Brand gschlisse wore. Erscht no 1830 isch d Ruine gsicheret wore.

Vum Durm vum Alte Schloss het mer e guete Rundblick iber Bade-Bade un bi Färnsicht uf d Ryyebeni un d Vogese. Au dr Burghof lohnt sich zum aaluege. Mer cha d Burg un dr Durm umesunscht bsichtige.

E großi Windharpfe stoht hite in dr Ruine vum Rittersaal vum Alte Schloss. Si isch anne 1999 ufgstellt wore, mit ere Gsamthechi vu 4,10 Meter un 120 Saite. Si isch vum Musiker un Harpfeböuer Rüdiger Oppermann entwicklet un böue wore. D Nylonsaite wäre vum Luftzug zue dr Grundten C un G aagregt. Scho vu 1851 bis 1920 het s im Rittersaal vum Alte Schloss e chleini Windharpfe gee.

Hitigi Nutzig

S Alt Schloss isch e beliebte Uusgangspunkt fir Wanderige rund um Bade-Bade un am Battert lang. S zellt zue dr landeseigene Monumänt un wird vu dr Yyrichtig Staatliche Schlösser und Gärten Baden-Württemberg verwaltet.

Weblink

Commons: Schloss Hochebade – Sammlig vo Multimediadateie

Aasicht vum Neje Schloss uus
Zuefahrt
Wäg in d Burg
Feschtigsmuure
Im Innere vu dr Burg
Im Schloss Hochebade
Blick us em (gschlisse) Rittersaal in d Burg
Windharpfe im Rittersaal

Dä Artikel basiert uff ere fräie Übersetzig vu dere Version vum Artikel „Schloss_Hohenbaden“ vu de dütsche Wikipedia. E Liste vu de Autore un Versione isch do z finde.