Gõmreng

Us der alemannische Wikipedia, der freie Dialäkt-Enzyklopedy


Wappa Deitschlandkart
Wappa vo de Gmoed Gomaringen
Gomaringen
Deutschlandkarte, Position vo de Gmoed Gomaringen hervorghobe
Koordinate: 48° 27′ N, 9° 6′ O
Basisdata
Dialekt: Alemannisch
Hauptvariante: Schwäbisch
Regionalvariante: Middlschwäbisch
Bundesland: Bade-Wirttebärg
Regierongsbezirk: Dibenga
Landkroes: Dibenga
Heh: 474 m i. NHN
Fläch: 17,3 km²
Eiwohner:

9163 (31. Dez. 2021)[1]

Bevelkerongsdicht: 530 Eiwohner je km²
Boschtloetzahl: 72810
Vorwahl: 07072
Kfz-Kennzoeche:
Gmoedsschlissel: 08 4 16 015
Adress vo dr
Gmoedsverwaltong:
Rathausstraße 4
72810 Gomaringen
Webpräsenz: www.gomaringen.de
Schuldes: Steffen Heß
Lag vo de Gmoed Gomaringen em Landkroes Dibenga
KarteLandkreis BöblingenLandkreis CalwLandkreis EsslingenLandkreis FreudenstadtLandkreis ReutlingenLandkreis RottweilZollernalbkreisAmmerbuchBodelshausenDettenhausenDußlingenGomaringenHirrlingenKirchentellinsfurtKusterdingenMössingenNehren (Württemberg)NeustettenOfterdingenRottenburg am NeckarRottenburg am NeckarRottenburg am NeckarStarzachTübingen
Karte
Dialäkt: Schwäbisch

Gõmreng ([go:mreŋ̩] ao Gõmrenga, dt. Gomaringen) isch a Gmaende em Landkreis Dibeng en Bade-Wirdaberg.

Geografi[ändere | Quälltäxt bearbeite]

D Gmarkong vo 17,3 qkm sezzd sich zsẽma aus 50,1 % Landwirdschaftsfleche, 28,5 % Wald, 20 % Sidlongsfleche ond 1,3 % sonschtichor Fleche.[2]

Gmaendegliderong[ändere | Quälltäxt bearbeite]

Zo Gõmreng ghaered d Ortsdõel Gõmreng, Hendorweilor (Hinterweiler) ond seid dor Gmaendereform 1973 ao Schdogga (Stockach).

Geografi[ändere | Quälltäxt bearbeite]

Gõmreng leid landschafdlich schee em Vorland vo dor Schwäbischa Alb, en-ra Haeche vo 350 bis 570 m iborm Meeressbiagl. D Landschafd om Gõmreng rom wird brägd vo Obsdwiisa und Wäldor. Endwässored wird Gmarkong durch d Wiesaz, on lenggor Näabafluss vo dor Sdoelach, dui må nåch Dibeng em Näggor zu fliasd.

Aus dor Gschiichd[ändere | Quälltäxt bearbeite]

S Gõmrengor Schlessle

D Endong "ingen", schwäbisch "eng" em Flägganãma weisd uff d Besiidlong durch Alemanna nã. Gõmreng wird z aersde Mål 1191 ågfird en dor Chronik vom Berthold vo Zwiifalda. Nåch-m Aussdärba em gleicha Jår vo de Gråfa vo dor Achalm haerd-mor bis ens 15. Jårhondord vom-a Gõmrengor Fläggaådl.

Nåch 1450 isch dor Fläggga ans Spittal vo Reidleng komma. En dor Reidlengor Zeid isch ao d Reformazio aegfird wårda. D Vegd vo Reidleng hend em Gōmrengor Schlessle residird, dees må vårhär em Fläggaådl ghaerd hådd. 1648 isch nå dor Flägga an Wirddabärg vorkaofd wårda. Gõmreng hådd lang zom Oboramd Reidleng ghaerd, ond isch aersd en dor Vorawldoungsreform ǎnna 1973 zom Graes Dibeng komma.

Wirdschafd on Vorkehr[ändere | Quälltäxt bearbeite]

En Gõmreng send viile Handwärgsbedriib, Indusdrifirmena ond Densdlaesdor ãsässich.
Wia dor ganze Graes Dibeng ghaerd ao Gōmreng zom Vorkehrvorbund Näggor-Alb-Donao (Naldo). Midd Buslinia isch dor Flägga midd Dibeng (10km), Messeng (6km) ond Reidleng (12km) vorbonda. dor näggsdgläagene Bãhof isch en Naera. D ehemalicha Bãlinie von Reidleng nåch Gōmreng isch 1985 sdillglegd wårda. Em Gesbräch isch, dass-se em Rāma vom-ma Gesamdkonzept vor-ra Regionalsdaddbã firs Obozendrum Dibeng-Reidleng wiidor nui uffgmachd wärda soll.

Verwaldong[ändere | Quälltäxt bearbeite]

Gõmreng hådd sich mit de Gmaendena Dußleng ond Naera zom Gmaendevorwaldongsvorband Stoelach-Wiesaz mit Sitz z Gõmreng zsẽmagschlossa.

Birgermåesdor isch dor Steffen Heß.

Wahla[ändere | Quälltäxt bearbeite]

Ergäbnis vo de Landdagswahla seid 2006:[3]

Jår CDU SPD FDP Greane Lengge1 AfD Sonschtiche
2016 29,4 % 13,3 % 7,5 % 31,3 % 2,2 % 12,3 % 4 %
2011 41 % 22,5 % 4,7 % 24,5 % 2,4 % 4,9 %
2006 46,3 % 21,2 % 8,6 % 15,3 % 2,9 % 5,7 %

1 2006: WASG, seid 2011: Die Linke

Dialäggd[ändere | Quälltäxt bearbeite]

Dor Dialäggd vo Gõmreng isch Middlschwäbisch; manche saged ao Näggorschwäbisch dorzua.

Weblink[ändere | Quälltäxt bearbeite]

 Commons: Gomaringen – Sammlig vo Multimediadateie

Fueßnote[ändere | Quälltäxt bearbeite]

  1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2021 (CSV-Datei).
  2. Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
  3. Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)