Häitersbärg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Heitersberg
wemme vom Häitersbärg i s Limettal abe luegt

wemme vom Häitersbärg i s Limettal abe luegt

Hechi 787 m ü. M.
Lag Kanton Aargau un Kanton Züri, Schwiiz
Dominanz 9,9 km → Lägere
Schartehechi 249 m ↓ Bonstette
Geografischi Lag 669655 / 249352Koordinaten: 47° 23′ 29″ N, 8° 21′ 40″ O; CH1903: 669655 / 249352
Heitersberg (Schweiz)
Heitersberg

ff

Dr Häitersbärg isch e lange Bärgrugge im zäntrale Schwiizer Mittelland.

Geografy[ändere | Quälltäxt bearbeite]

Er ligt im Oschte vom Aargau. Dr Bärg isch öppe 13 Kilometer lang und ligt zimli gnau i dr Nord-Süd-Richtig. Dr höchscht Platz drufobe isch uf dr Hööchi vo 787 m ü. M.. Der Bärg ligt uf de Gmeindbänn vo vierzää Gmeinde.

Im Weschte ligt s Tal vo dr Rüüss, im Oschte s Limmattal un d Reppischtal. Gäge s Limetaal abe isch dr bärg vill stotziger weder gäge s Rüüsstaal. uf dr Oschtsyte het’s au meh Wald und vill Bech i de Runse. Am Bärg sind es paar Naturschutzpiet, bekant sind bsunders dr Egelsee un dr Tüüfelschäller.

Ufem Häitersbärg het’s vil Wald und numen es paar grodeti Flechine, wo zum Puure bruucht wärde.

s Wirtshuus «Häitersbärg» bim Wiiler Häitersbärg

S nördliche Ändi vom Bärgrugge ligt uf em Gebiet vo dr Gmeind Bade bim Chrüzlibärg uf (513 m). Gäge Süde hii chöme de d Baregg (531 m), dr Oberhau (617 m), dr Rüslerhau (649 m), dr Sennebärg (701 m), dr äigetlechi Häitersbärg (787 m) un schliesslech no dr Hasebärg (782 m). Vo dämm us goot’s abe zum 551 Meter höche Mutschellepass, wo d Passhöchi uf 511 Meter ligt. Und de chunt no wyter im Süde dr Holzbirrlibärg mit em Wald Grosshau.

Uf em Bärgrugge lige nur wenigi Wyler:

Uf en ere Gländterrasse über em Rüüsstal ligge d Dörfer Oberrohrdorf, Remetschwil un Bellike.

Über die ganzi Hööchi git’s vier Stroosse, wemme d Näbewääg un d Waldwääg nit miträchnet.

Under em Bärg dure het’s zwöi Tunäll:

  • s Bareggtunäll vo dr Autobahn A 1
  • s Häitersbärgtunäll vo dr Ysebaan Bäärn–Züri

Über die ganzi Lengi vom Häitersbärg goot e schööne Wanderwääg: me gseht an es paar Plätz wyt über s Land yne.

Weblingg[ändere | Quälltäxt bearbeite]

 Commons: Häitersbärg – Sammlig vo Multimediadateie