Feldberg im Schwarzwald

Feldberg
Luftufnahm vum Feldberg un em Seebuck Luftufnahm vum Feldberg un em Seebuck
Hechi	1.493 m ü. NHN
Lag	Bade-Württeberg, Dütschland
Gebirg	Schwarzwald
Dominanz	97 kmfd1
Schartehechi	930 m ↓ nordöstlich vo Lippertsweiler
Geografischi Lag	47° 52′ 25″ N, 8° 0′ 14″ O47.8736111111118.00388888888891493
Feldberg im Schwarzwald (Baden-Württemberg) Feldberg im Schwarzwald
Bsunderheite	högschte Berg z Bade-Württeberg

fpd3

Dr Feldberg im Schwarzwald isch ä Berg im Südweschde vo Dütschland, midde vum Naturpark Südschwarzwald. Er isch 1493 m über NHN hoch un dodemit isch er de högschde Berg vom Schwarzwald, aber au vo Bade-Württeberg un vo alle dütsche Mittelgebirg.

Am Feldberg het d Wiise ihre Quell, un au de Feldsee, ä ehmolige Gletschersee, wo über de Seebach i d Wuete entwässered, würd vom Feldbergwasser gschpeist. De Zaschtlerbach un d Alb hän äbefalls ihre Quell am Feldberg.

Umgäbig

Geographisch lit dr Feldberg südöstlich vu Friburg im Brisgau, umgäbbe vu dr Ortschafte Hinderzarte (nordöstllich), Titisee (östlich), Menzeschwand un Bernau (südlich) un Todtnau (südwestlich).

Vum Hauptgipfel, wo zur Gmeind Feldberg ghört, erstreckt sich nooch Südost e zerst sanft abfallendi un no zum ebefalls zum Feldberg ghörige Seebuck wiider astigendi Berglähne, vu dere dr Baldewäger Buck (1460 m ü. NHN) abzwigt. Vum Seebuck us fallt dr Feldberg nooch Nordoste steil zum Feldsee ab. Dief igschnitteni Däler erstrecke sich au nooch Nordweste in Richtig vu Friburg (Zastlerdal, St. Wilhelmer Dal) un nooch Südweste in Richtig Basel (Wiisedal).

Wintersport

Am Feldberg isch Wintersportgschicht gschribe worde, wo am 8. Februar 1891 de Robert Pilet (1858–?, französische Diplomat) mit "norwegische Schneeschue" uf de Gipfel ufe glaufe isch. En bekannte Wintersportler us de Region Feldberg isch de Georg Thoma, wo Olympia- und Wältmaischter-Gold gwunne hät.

Bilder

• 
  Feldberg im Schwarzwald
• 
  Feldberg
• 
  Feldbergturm mit aldem Gasthus (um 1910)

Blick vum Gipfel. Yber em Wolkenband d Alpe.

Weblink

 Commons: Feldberg – Sammlig vo Multimediadateie

• Feldberg im Schwarzwald uf badische-seiten.de (Memento vom 1. Juli 2017 im Internet Archive)
• Imfos und Fotene rund um de Feldberg uf freiburg-schwarzwald.de
• Schwarzwald-Schluchsee-Feldberg Heliflug übber dè Fèldbärg un sini Gschpönli wiè dè Seebuck un dè Fäldsee ab ca. 4:40 uf youtube.com (vom Dezember 2013, ufeglade am 20. Jänner 2014)