Fèldsee

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel bhandlèt See am Fèldbärg in Baddè-Württèbärg. Luèg au: „FèldseeBrènnsee in Fèld am See, Kärntè bzw. Bärgfèldsee.
Feldsee
Fèldseechessel vom Seebuck uus aagluègèt
Fèldseechessel vom Seebuck uus aagluègèt
Geographischi Lag Baddè-Württèbärg
Zuflüss Seebach
Abflüss Seebach
Grösseri Ort in dr Nöchi Fèldbärg
Date
Koordinaten 47° 52′ 13″ N, 8° 1′ 57″ O47.8702777777788.03251109Koordinaten: 47° 52′ 13″ N, 8° 1′ 57″ O
Feldsee (Baden-Württemberg)
Feldsee
Höchi über em Meeresspiegel 1.109 m ü. NHN
Flechi 9,75 haf5
Seelengi 350 mf6
Seebreiti 360 mf7
Umfang 2,5 kmf9
Maximali Diefi 32 mf10
Bsundrigs

s stachlèschporige Brachsèchrutt wachst am Seeufer

f

Bligg uff dè Fèldsee im Hèrbscht

Fèldsee (au Fèldbärgsee) isch èn See z Südbaddè am Fuèß vom Fèldbärg un Seebuck südöschtlich vo Fryburg. Dè Fèldsee ghört zum Nadurpark Südschwarzwald. Dè Fèldsee isch 97.500 m², also 9,75 ha groß un bis zuè 32 m dǜèf. Er lyt uff èrè Höchi vo 1.100 m, isch fascht chraisrund un hèt èn Durchmesser zwǜschè 350 un 370 Meter.

Geology un Èrdgschichte[ändere | Quälltäxt bearbeite]

Der Fèldsee isch èn Karsee, wo durch Gletscher i dè letschtè Eiszit entschtandè isch.[1] Dè gröschte Karsee im Schwarzwald isch uff drei Sitè vo gächè Flüè ychesslèt, wo bis zuè 300 m hoch sin. D Höèlaag, wo nõch Nordoschtè offè isch, begünschtigt größeri Schneehüüfè, d Flüè im Weschtè un Südè machèd dè Chessel zuè nèm Schattèloch, wo sich dè Schnee lang haaltè cha. Asè hèt sich è lèènschtuèlartigi Gländeform mit dè steilè Ruggwand, dèm flachè Boddè un èm vorglagertè Moränèwall entwicklèt. Dè See hèt sich nõch èm Abschmèlzè vom Iis obberhalb vo dè uffbygètè Schuttwäll bildèt.[2] Us èm Fèldsee entschpringt dè einzigè Abfluss vom Fèldsee, dè Seebach. Gschpisè wörd dè See vo Quällbächle, wo am Seebuck un im Grüble zwǜschè Fèldbärg un Seebuck entschpringèd un übber dè Fèldseewasserfall übber 300 m d Karwand abbèkeièt un spôter, vom Abfluss am Oschtzipfel vom Titisee èwäg, dè Nammè Guètach füürt. È baar hundertdausend Johr lang sin dè Seebach un d Guètach dè Obberlauf vo dè Fèldbärgdonau gsi, wo übber Achdorf un Blummbärg uff Immèdingè i s hütige Donaudal abbè gschtrömt isch. Sit öppè 70.000 Johr isch d Fèldbärgdonau bi Achdorf von èm Südschwarzwälder Bächle mit èm Nammè Wuètè aazapft un denn vollschtändig abglenkt worrè, sèllèwäg isch s Achdorfer Wuètèknǜè entschtandè un dè Seebach un d Guètach ghörèt sitdèm zum Obberlauf vo dè Wuètè, wo in Hochrhy entwässerè duèt.

Unterhalb vom Fèldsee isch zwǜschè Moränèwäll èn wittèrè, chlynerè See ygschperrt worrè, wo vosulzt isch un Torf bildèt hèt[2] un dõdemit zum hütigè, botanisch wärtvollè Fèldseemoor volandet isch.

Nadurschutz[ändere | Quälltäxt bearbeite]

Mittlerwyli hèrrscht im Fèldsee è generèlles Baddevobot. Sèll diènt im Schutz von èrè seltènè Art vom stachelschporigè Brachsèchrutt (Isoetes echinospora), èn Unterwasserfarn, wo in 1–2 m Dǜèfi gedeyè duèt un in Dütschland ußer im Fèldsee nu no im Titisee vorchunnt.[3] Sèlli Pflanzè isch uff näärschtoffarmi Seè mit frischèm, zimli klarem Wasser aagwisè.[4] Rund um dè Fèldsee findet mò èn sognanntè Bannwald. Sèllè Mischwald stòt ebbèfalls unter Nadurschutz un wörd sich sèlber übberlõ. S Nadurschutzgebièt bschtòt sit 1937 un isch s älteschte Nadurschutzgebièt z Baddè-Württèbärg.[5] D Fèldseefelsè unterligèd èm Klettervobot. D Fèldbärgwächter (Ranger) achtèd strèng uff d Yhaltung vo sèllnè Reglè. Dört sin sèltni Pflanzè wiè dè violättè Alpèmilchlattich, d Türkèbundliliè, dè Wolfs-Iisèhuèt un dè Sunnètau z findè[6]

Zuègang[ändere | Quälltäxt bearbeite]

S git kei dirèkti Autostrõß zum Fèldsee. Er isch abber übber Wander- un Faarradwäg z erreichè. Nägschtglègèni Parkblätz findet mò in 3–4 km Entfèrnung z Bärèdal (Wanderparkblatz Chunzèmoos) sowiè am Fèldbärg. Mit èm Faarrad isch dè Fèldsee zimli guèt vo Alpersbach übber dè Rinkè z erreichè. Dè See cha uff èm guèt uusbautè Spazyrwèg umrundet wörrè. 490 Meter öschtlich vom Fèldsee stòt s Gaschthuus Raimartihof.

Literadur[ändere | Quälltäxt bearbeite]

  • Landesaaschtalt für Umwältschutz Baddè-Württèbärg (Hrsg.): Der Feldberg im Schwarzwald. Subalpine Insel im Mittelgebirge. Karlsruè 1982, ISBN 3-88251-046-3.
  • E. Liehl u. a. (Hrsg.): Der Schwarzwald. Beiträge zur Landeskunde. 2. Ufflaag. Volaag Konkordia, Büèl 1982, ISBN 3-7826-0047-9.
  • Auguscht Vetter: Feldberg im Schwarzwald. Sèlbschtvolaag vo dè Gmeind Fèldbärg (Schwarzwald), 1982/1996, DNB 94935886X.

Weblingg[ändere | Quälltäxt bearbeite]

 Commons: Feldsee – Sammlig vo Multimediadateie

Wikisource Feldsee im dütschsprochige Wikisource

Einzelnõchwys[ändere | Quälltäxt bearbeite]

  1. Karl Müller: Der Feldberg im Schwarzwald. L. Bylefèld, Fryburg 1948, DNB 451230450.
  2. 2,0 2,1 Wolfgang Fleck: Spuren der Eiszeit: das Feldsee-Kar.. Archiviert vom Original am 2014-04-07. Abgrüeft am 2014-12-30.
  3. Infodaflè am See
  4. Lena Ganschow: Das Brachsenkraut. Im: Planet Wissen. 1. Juni 2009, abgruèfè 20. Oktobèr 2011.
  5. Nadurschutzgroßbrojèkt Fèldbärg-Belchè-Obberes Wisèdal Deilgebièt Fèldbärg
  6. Regine Ounas-Kräusel: Zu Besuch in der Wildnis. I dè: Badischè Ziting. 25. Juli 2011, abgruèfè 20. Oktobér 2011.
Information icon.svg Dä Artikel basiert uff ere fräie Übersetzig vu dere Version vum Artikel „Fèldsee“ vu de dütsche Wikipedia.

E Liste vu de Autore un Versione isch do z finde.