Fahrzüüg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Es Fahrzüüg isch es mobyls Vrcheersmiddel zum Lüüt, Sache oder Gräät umezfüere.

drü Forme vo Fahrzüüg: en Töff und es Auto ufemene Ysebaanwage

Sischtemaatik[ändere | Quälltäxt bearbeite]

Me chan d Fahrzüüg uf verschideni Arte underscheide: zum Bischpiil nach em Zwäck vom Transport, nach der Umgäbig, wo si sech drinn beweege, nach der Konstrukzioon vo de Wääge oder au dr Bouwys vo de Strekine, wo d Fahrzüüg druff fahre, oder suscht no nach der Energykwelle, wo dr Apperaat atrybt und derno, eb si einzig oder as Grubbe umefahre. Und me chan au luege, wäm si ghööre und wär ire Betriib organisiert, öbs Privaati sind odr dr Staat, vilech au d Poscht odr s Milidäär odr ä Veräin.

Wil jedi Fahrt es Risiko für Unfäll mit sech bringt, mache d Länder Vorschrifte für alli Arte vo Fahrzüüg, wie si z boue sind, wär se kontreliert und wär mit ne törf fahre und wooduure. Und si luege, as d Bolizei dr Vercheer so guet as’s goot überwacht und bi de Unfäll zsäme mid de Füürweer und de Rettigsfahrzüüg und de Rettigshelikopter und de Garaschischte wider uufruumt. So pruucht’s ganz vil Dienscht- und Ysatz- und Hülfsfahrzüüg nu zum dr Vercheer vo de andere Fahrzüüg z ermügleche.

No vil meh Fahrzüüg sind defür doo, d Vercheerswääg z boue und die früsch gmachte Fahrzüüg zu de Benützer z pringe.

es Luftfahrzüüg Zeppelin über de Brugge vom Sittertobel bi Sanggale
Wasserfahrzüüg Saphir ufem Vierwaldstettersee

Fahrzüüg nach der Umgäbig, wo si drinn fahre

Stroossefahrzüüg: alti Füürweerauto Saurer vo Züri

Dr Zwäck vo de Fahrzüüg

  • Persoonevrcheer
  • Güetervrcheer

Technigg

Bischpiil:

  • Wääge, wo vo Dier zoge wärde (Gutsche und Fuerwärch)
  • Wäge zum Stoosse
  • Welo
  • Motoorfahrzüüg
  • Tampffahrzüüg
  • Stroossefahrzüüg
  • Schiinefahrzüüg
  • Zaanradbaane
  • Säilbaane
  • Sägelschiff
  • Ruedrboot
  • Sägelflugzüüg
  • Balöön
  • Rageete
  • Schlidde
Welorönne Tour de France z Milhuusa

Lueg au[ändere | Quälltäxt bearbeite]

Weblinks[ändere | Quälltäxt bearbeite]

 Commons: Fahrzüüg – Sammlig vo Multimediadateie