Milidäär

As Milidäär (vo lateinisch militaris ‚ was dr Chriegsdienst betrifft‘ bzw. miles ‚Soldat‘) oder Stritchreft bezäichnet mä die Chreft vo dr Staatsgwalt, wo mit Chriegswaffe usgstattet si, zum d Staatshohäit wenn nöötig mit Gwalt z verdäidige. In de mäiste Staate understütze si au d Bolizei bim Schutz vo dr innere Sicherhäit, wenn die Hilf brucht, und Hilfschreft im Fall vo Katastroofe.

D Bezäichnig Milidäär (vo französisch militaire) wird au as Sünonüüm für e Zaal vo Aaghörige vo de Stritchreft (Soldate) verwändet.

Äigeschafte

S Milidäär het en äihäitligs Kommando, wo em Staat gegenüber für d Füerig vo de Understellte verantwortlig isch,
Die Aaghörige underschäide sich vo dr Zivilbevölkerig und underenander dur Uniforme, Abzäiche, Zäiche oder anderi üsseri Merkmol, wo mä vo witem cha gsee,
D Soldate stönde under eme intärne Disziplinarsüsteem, wo im Iisatzfall au d Regle vo dr Chriegsfüerig duuresetzt,
Si si bewaffnet und d Waffe müesse offe dräit wärde.

Hierarchii

Milidäärischi Organisazioone häi e hierarchischi Dienstgradstruktur, wo dr Befäälsstruktur folgt. Alli Soldate müesse de Befääl vo iire Vorgsetzte folge und Iischränkige vo iire Freihäite und Grundrächt akzeptiere.

Milidäärrächt

S Milidäär het in de mäiste Staate und au noch em Chriegsvölkerrächt (z. B. dur d Gämfer Konwenzioone und d Haager Landchriegsornig) e bsundrige Status. In e Hufe Staate git s e bsundrigi Milidäärgrichtsbarkäit, und in Komflikt zwüsche Staate grift en internazionals Völkerstroofrächt, wo Verstööss gege s vo Gricht wie em Internazionale Milidäärgrichtshoof abgurdäilt wärde.

Litratuur

Hans Delbrück: Geschichte der Kriegskunst im Rahmen der politischen Geschichte, 4 Bde., [Berlin 1900–1920], Nöiuflaag: Walter de Gruyter, Berlin 2000, ISBN 3-11-016886-3.

Weblingg

Commons: Milidäär – Sammlig vo Multimediadateie

Dä Artikel basiert uff ere fräie Übersetzig vum Artikel „Militär“ vu de dütsche Wikipedia. E Liste vu de Autore un Versione isch do z finde.