Diskussion:Jaun

Die Dialäktänderige vù dr IP 81.62.235.227 wiirge ùf mii, wie wän dää versuechd hed, dr Artikel, wù zem greeschde Dail vùm Andi d isch, in dr Jauner (?) Dialäkt z iberseze, grad Foorme wie "Wäutsch" schdad "Wälsch" oder "vam" statt "vom" chende realistisch syy. Ich wais nid, eb des ächd Bleedsin isch. Vilichd chaa des emol eber bschaue, wù sich mee uuschänd in dääre Geegnig. --Holder 05:32, 21. Apr. 2009 (MESZ)

Isch no e schwirigi Frog, wo du do schtellsch. Nach em Seisler Wörterbuech heisset Lüt im Dorf Jùùner, also wär Jùù(n) fürs Seislertütsch richtig. Aber d Jùùner redet ebe scho no es bitz anderscht un ihre Dialekt schtoht ebe ned i dem Wörterbuech. --Brian 08:45, 21. Apr. 2009 (MESZ)

Ich haa emol im SDS noogluegd. Fir dr Ordsname sin zwoo Variante aagee: "Jùu" ùn "Jou" (des sin aber Ludvariante, wù ganz äng binand liige), s chend also scho Jouner Dialäkt syy ... --Holder 10:11, 22. Apr. 2009 (MESZ)

Uffruef aa d Jouner

Wänn öber vo Jaun des emool liest: es dät mich sehr freue, wenn de Artikel emool in de Dialäkt vo Jaun "übersetzt" wird, oder wenigstens einzelni Absätz! --Terfili 17:36, 26. Dez. 2011 (MEZ)

Kandidatuur

1.  Bsunders glunge: En schööne, uusfüerliche Gmäindsartikel mit alem, was dezueghöört: Geografy (Topografy, Geology, Klyma, Flora + Fauna), Oortsnamen + Wappe, Ywoner, Kultuur (was es zum Aaluege git, Brüüch, Saage), Gschlächter + birüemti Lüüt, und Bilder und Graafike häts au. Nu es Kapitel über d Gschicht fëëlt, aber vilicht chunt das ja na… :-) --Freiguet (Diskussion) 12:42, 26. Mai 2017 (MESZ)
2.  Bsunders glunge --Ark001 (Diskussion) 15:55, 26. Mai 2017 (MESZ)

   No e Sach do derzue, oni Yfluss uf d Abstimmig: I frog mi bi so Artikel jewyle, ob me nid im ganze Tegscht s Wort, wie s im Titel i der Mundart vorchunt sedd schrybe; das wär denn do Joun oder Jùu, und denn au Jountaal oder Jùutaal und Jounbach oder Jùubach. --Ark001 (Diskussion) 21:29, 28. Mai 2017 (MESZ)

   Ich stell mer die Froog au jeds Mool, wenni über en Ort schryyb, wo e ganz andri Mùndart wie myni het. Für mich isch es irgetwie komisch, vo "Jou" oder "Jùu" z schryybe, wyl es sonigi Diphthong in mym Dialäkt halt nit git ùn es für mi drùm künschtlig wirkt. Aber hoffetli findet sich sowiiso eifach emool en Jauner, wo de ganz Artikel eifach übersetzt. --Terfili (Diskussion) 22:00, 28. Mai 2017 (MESZ)

   Ich persenlig mach s in allne Artikel eso, ass i bi Ortschafte, wu im alemannische Dialäktruum lige, d Ortsnäme alliwyl im lokale Dialäktname bruuch. Nume bi Jaun haan im em iberwältigende (Yy)Druck vum Artikelautor noogee. --Holder (Diskussion) 22:15, 28. Mai 2017 (MESZ)

   Und im Fall «Jaun» chunt na dezue, das d Entschäidig, öb Jóu oder Jùu, nöd eso äifach isch – s isch en extreem gschlosses /o/ oder en extreem offes /u/. SDS V 1b schwanket zwüsched eme o mit zwäi Pünktli drunder und eme u mit zwäi Hööggli drunder; de Buchs ghöört en offes u und de Stucki e gschlosses o… --Freiguet (Diskussion) 11:45, 29. Mai 2017 (MESZ)

   als Hauptautor derf mer jo nit abstimme, aber ich zitier emool uss de Kriterie für läsig, wo stoot, dass „di wichtigscht Aspekt“ bhandlet werde sötte, ùn für bsùnders glùnge sogar „alli wichtigi Aspekt“. Ich bi do doch e weng überrascht, dass d Gschicht bimene Ortsartikel nit zue de wichtigschte Theme ghört...--Terfili (Diskussion) 23:32, 27. Mai 2017 (MESZ)

   @Terfili: De Gschichtstäil laat sich ja na schrybe. :-) Und gäll, Sutsilvan han i wele «nu» as «läsig» uuszäichne, wil wyti Täil vom Luutsischteem, di ganz Morfology und di ganz Sintax fëëled, aber alnen ussert miir inkl. dëm, wo iez unedraa bi Jaun nu für «läsig» stimt, wil s Gschichtskapitel fëëlt, isch das komplett egaal gsy und si händ «Sutsilvan» trotz dëne risige Löcher für «bsunders glunge» ghalte… Tja, es schynt halt alewyl rächt underschidlich z sy, was mer wie gwichtet… --Freiguet (Diskussion) 16:23, 28. Mai 2017 (MESZ)

   Ha, Gott sei Dank hämer nit alliwyl di nämlig Mainig, sunscht wäre die Abstimmige jo iberflissig.   --Holder (Diskussion) 17:43, 28. Mai 2017 (MESZ)

   @Freigut:, jo, „loot“ sich no schryybe. Aber in de letschte nüün Joor het en halt niemer gschriibe ùn wer weiss, ob en in de näggschte nüün Joor no öber schryybt...--Terfili (Diskussion) 18:42, 28. Mai 2017 (MESZ)

   Das hett natüürli selen en Uufmunterig a diich sy, Terfili, wies das zum Byspiil bim Heinrich Bruppacher äini für miich gsy isch, zum der Artikel perfäkzioniere… Aber iez isch ja de Holder verdankeswërterwys ygsprunge. :-) --Freiguet (Diskussion) 11:45, 29. Mai 2017 (MESZ)

   Ällewell de chaibe Grùppezwang ;-) --Terfili (Diskussion) 12:37, 29. Mai 2017 (MESZ)

   Mir sind halt wie-n-e Familie daa i der alsWiki. :-) --Freiguet (Diskussion) 21:38, 29. Mai 2017 (MESZ)

3. {{läsig}} Fir 'bundersch glunge' fählt dr Gschichtsabschnitt. --Holder (Diskussion) 05:56, 28. Mai 2017 (MESZ)

   Ich bii mool muedig gsii un haa ne churz Kapiteli zue dr Gschicht gschribe, wäge däm jetz  Bsunders glunge. --Holder (Diskussion) 20:44, 28. Mai 2017 (MESZ)

   Merci vilmaal, Holder! --Freiguet (Diskussion) 11:45, 29. Mai 2017 (MESZ)

4.  Bsunders glunge. --B.A.Enz (Diskussion) 20:49, 30. Mai 2017 (MESZ) (Dä chäibä Gruppäzwang...)
5.  Bsunders glunge --Henri Berger (Diskussion) 09:42, 21. Jun. 2017 (MESZ)
6.  Bsunders glunge Ja, en Übersetzig uf Jùutütsch wär guet. --Pakeha (Diskussion) 17:13, 29. Jun. 2017 (MESZ)

Usswärtig: usszaichnet als bsùnders glùnge. (Ei Wùch nooch de 5. Stimm für bsùnders glùnge mit keine Contra-Stimme). --Terfili (Diskussion) 21:06, 6. Jul. 2017 (MESZ)

Do ane kopiert vo Wikipedia:Artikel- und Listenkandidaturen/Abstimmigarchiv 2017. --Terfili (Diskussion) 21:12, 6. Jul. 2017 (MESZ)

Extärni Link gänderet

Sali Mitautore,

Ich haa 2 extärni Link uf Jaun gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20170630075246/http://www.srf.ch/sendungen/srf-bi-de-luet-unser-dorf in http://www.srf.ch/sendungen/srf-bi-de-luet-unser-dorf yygfiegt
• s Archiv https://web.archive.org/web/20120114043702/http://www.jaundeutsch.ch/ in http://www.jaundeutsch.ch/ yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 02:35, 12. Jun. 2019 (MESZ)

Extärni Link gänderet

Sali Mitautore,

Ich haa 1 extärni Link uf Jaun gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20120119172329/http://www.bfs.admin.ch/bfs/portal/de/index/regionen/02/gemeindesuche.html in http://www.bfs.admin.ch/bfs/portal/de/index/regionen/02/gemeindesuche.html yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 07:27, 23. Nov. 2019 (MEZ)