Christian Menn

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Sunnibärgbrugg über d Landquart oberhalb vo Serneus

Dr Christian Menn (* 3. März 1927 z Meiringe; † 16. Juli 2018) isch e Schwiizer Bouingeniöör gsi. Er isch Profässer a dr ETH Züri gsi.

D Familie vom Menn chunt vo Zillis us em Bündnerland. Dr Christian Menn het z Chur s Gymnasium psuecht und derno z Züri a dr ETH d Ingeniöörwüsseschaft studiert. Ane 1950 het er s Diplom vo dr ETH übercho.

Er het bi Planigsbüro z Chur und z Züri und bin ere Boufirma z Bärn gschaffet, und ane 1953 isch er Assistänt a dr ETH worde und het dört 1959 s Dokterexame gmacht. E Zyt lang het er denn z Paris und denn nomol z Bärn für Bouundernäme gschaffet, und 1957 het er z Chur es eigets Ingeniöörbüro ggründet.

S Büro Menn het 14 Joor lang vor alem Bruggene plant, elei im Kanton Graubünde sind s meh als achzg gsi. Bekant worde sind psunders d Naninbrugge vo dr San Bernardino-Stross bi Mesocco und dr Felsenauviadukt vo dr Autobahn z Bärn. Vom Joor 1971 aa isch dr Menn Profässer für Boustatik und Konstrukzion a dr ETH Züri gsi, bis er ane 1992 emeritiert worden isch. Au i dr Zyt a dr ETH het er grossi Brugge planet, so öpe d Ganterbrugg am Simplon und d Sunnibärgbrugg bi Chlooschtersch.

Bilder[ändere | Quälltäxt bearbeite]

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Christian Menn – Sammlig vo Multimediadateie