Champillon

Champillon
	Champillon (Frankreich) Champillon
Region	Grand Est
Département	Marne
Arrondissement	Épernay
Kanton	Épernay-1
Kommünàlverbànd	Grande Vallée de la Marne
Koordinàte	49° 5′ N, 3° 59′ O49.0852777777783.9788888888889
Heche	112–268 m
Flech	1,46 km2
Iiwohner	510 (1. Jänner 2020)
Bevelkerungsdicht	349 Iiw./km2
Code Postal	51160
INSEE-Code	51119
Website	champillon.com
a Blìck uffs Dorf Champillon

Dialäkt: Mìlhüüserdiitsch

Champillon [ʃɑ̃pijɔ̃] ìsch a frànzeescha Gmainda mìt 510 Iiwoohner (Schtànd 1. Januar 2020) ìm Département Marne ìn dr Regioon Grand Est (vor 2016 Champagne-Ardenne). Sa gheert zem Arrondissement Épernay un zem Kàntoon Épernay-1. D’ Iiwoohner nännt m’r Champillonaises [ʃɑ̃pijɔnɛz] (fìr d’ Fràuija) un Champillonais [ʃɑ̃pijɔnɛ] (fìr d’ Manner).

wu dr Nàmma har ìsch

Ìm 13. Joohrhundert ìsch s’ Dorf mìt’m àltfrànzeescha Nàmma Champoulan odd’r Champ-Poulain ärwäähnt worra. Dàs kummt vum làtiinischa Nàmma Campus Pullanus, womm’r ums Joohr 1300 g’funda hàt. D’ geegawàrtiga Schriibwiis vum Dorfnàmma hàt m’r woohrschiins ànna 1384 g’sah. Dr Nàmma soll a reemischa Ürschprung hàà.

Dr Wiiler Bellevue ìsch àui ìm 13. Joohrhundert mìt’m làtiinischa Nàmma Bellovisu ärwäähnt worra.

wu ’s lììgt

Champillon lììgt äbba fìmf Kilomeeter nordnordeeschtlig vun Épernay un äbba 22 Kilomeeter süüdlig vu Reims. Umgaa wìrd Champillon vu da Nochbergmainda Saint-Imoges ìm Norda un Oschta, Aÿ-Champagne ìm Süüdoschta, Dizy ìm Süüda so wia Hautvillers ìm Wäschta.

wia d’ Beväälkerung äntwìckelt hàt

Joohr	1962	1968	1975	1982	1990	1999	2006	2011	2018
Iiwoohner	327	357	453	551	533	528	509	526	509
Kwalla: Cassini un INSEE

wàs doo z’ sah ìsch

• d’ reemisch-kàthoolischa Kìrìch Saint-Barnabé, wo ànna 1684 bàuija worra-n-ìsch. Sa hàt a rachtäckiger Schìff mìt’ma dìnnera Choor. D’ Wäschtfàssààda ìsch ànna 1826 ärfrìscht worra un dr Glockaturm ìwwer’m Wäschtportààl ìsch ànna 1880 arrìchta worra — zallamols ìsch a Glockaturm ìwwer’m Zäntrum vum Kìrchaschìff gsìì. Dr holziga Hàuiptàltààr schtàmmt vu dr Zitt vum Keenig Ludwig XIV..
• dr Brunna „La Moutonne“
• dr Dhuy-Bunna
• a Trotta uff dr Kìrchaplàtz, wo d’ Fàmìilia Roualet gaa hàt.
• s’ Kriagerdankmool, fìr d’ g’schtoorwana Soldààta vum Äärschta Waltkriag eehra. ’S hàt a Schpìtzasüüla-n-üss Kàlkschtai mìt’ma Güggel d’ruff — em Sümbool vum frànzeescha Pàtriotischmus. ’S ìsch àm 11. Nowamber 1920 iig’wäijt worra. S’ Dankmool ìsch ìm Zwaita Waltkriag ànna 1940 zärschteert worra, un zeehn Joohr schpeeter ìsch dr Güggel vum näija Dankmool verschwunda. D’ geegawàrtiga Schtàtüüta-n-ìsch ànna 1985 ärrìchta worra.
• uff’m Gmaindafrììdhoof ìsch a Gedanktààfla mìt’ma krìschtlig Kriiz d’ruff, fìr d’ g’schtoorwana Soldààta vum Äärschta Waltkriag eehra.
• jeedsjoohr àm 22. Janner fìndet ìm Dorf s’ Vizanzfascht mìt’ma hailiga Mass ìn dr Dorfkìrìch — dr hl. Vinzanz ìsch dr Schutzpàtroon vu da Wìnzer.
• jeedsjoohr zitter da 1990er Joohra ìsch z’ Champillon a Wiimàrkt, wu äbba 40 Wìnzer üss’m gànza Frànkrììch ààna kumma ku ìhra Produkta-n-üssschtälla.
• z’ Champillon sìnn noch hìtt zwai urschprìngliga Zimant-Märkschtaina vu dr Fräihaitsschtrooss (Voie de la Liberté) üss’m Zwaita Waltkriag z’ fìnda. ’S gìtt a Schtai àn dr Rue Jean-Jaurès un a ànder ìm Wiiler Bellevue.

• 
  a Blìck uffs Dorfzäntrum
• 
  d’ Kìrìch
• 
  a Blìck uff dr Kìrchaschìff
• 
  dr Hàuiptàltààr mìt’m Retààwel
• 
  s’ Bìrgermaischteràmt
• 
  s’ Kriagerdankmool
• 
  d’ Trotta
• 
  s’ Gebäi vum Royal-Champagne wahrend da Sàniarungsàrweta ìm Oktoower 2017
• 
  d’ 3. Etàppa vum Tour de France 2019 àn dr Iifàhrt vu Champillon

Wìrtschàft

D’ Gmainda Champillon lììgt ìm Wiibàuigebiat Champagne.

Dr Kùmpläx Royal-Champagne ziagt jeedsjoohra vììla Tourìschta-n-àà: Ar b’schteeht vu’ma Hotel mìt 49 Zìmmer, zwai Räschtorànt un a Spa. Vu doo har kààt m’r s’ Wiibàuigebiat sah.

• 
  d’ Làndschàft um Champillon
• 
  a Raabgebiat z’ Champillon
• 
  a Raabgebiat z’ Champillon
• 
  a Waagkriiz ìn da Raabgebiater

Lüag àui

• Lischta vu da Gmainda ìm Département Marne

Lìteràtüür zem Dorf

• Catherine Coutant, François Schmit: Champillon, balcon sur les vignes (= Terroirs d’effervescence). Éd. de l’Effervescence, 2006, ISBN 978-2-9525386-2-6 (französisch, 125 S., Iigschränkti Vorschau uf books.google.de). 
• Champillon. In: Reimser Nàzionààlàkàdemii (Hrsg.): Travaux de l’Académie national de Reims. 87, t. I. F. Michaud, Reims 1889, S. 153–155 (französisch, Iigschränkti Vorschau uf books.google.de). 

Weblìnks

 Commons: Champillon – Sammlig vo Multimediadateie

• Websitta vu dr Gmaindaverwàltung (frànzeesch)
• Vorschtällung vu Champillon biim Främdaverkeehrsàmt Hautvillers (frànzeesch, anglisch)
• Informàzioona züa dr Gmainda Champillon ìn dr Dààtabànk vu dr LdH/EHESS/Cassini (frànzeesch)
• Schtàtistik züa dr Gmainda Champillon biim INSEE (frànzeesch)
• Schtàtistik züa dr Gmainda Champillon, wo düü ufflààda kààsch bii data.gouv.fr (frànzeesch)