Bergün Filisur

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Bergün Filisur
Wappe vo Bergün Filisur
Basisdate
Staat: Schwiiz
Kanton: Graubünde (GR)
Region: Albulaw
BFS-Nr.: i1f2
Poschtleitzahl: 7477 Filisur
7482 Bergün/Bravuogn
Koordinate: 774498 / 16922546.651459.71847Koordinaten: 46° 39′ 5″ N, 9° 43′ 6″ O; CH1903: 774498 / 169225
Flächi: 190,14 km²
Filisur, Tal uswärts

Filisur, Tal uswärts

Charte
Igl Lai Lago di Lei Lai da Marmorera Lago di Montespluga Silsersee St. Moritzersee Sufnersee Italie Bezirk Hinterrhein Bezirk Imboden Bezirk Maloja Bezirk Inn Bezirk Plessur Bezirk Prättigau-Davos Bezirk Surselva Albula/Alvra Bergün/Bravuogn Bivio Cunter Filisur Lantsch/Lenz Marmorera Mulegns Mutten GR Riom-Parsonz Riom-Parsonz Salouf Savognin Schmitten GR Sur GR Tinizong-Rona Vaz/ObervazCharte vo Bergün Filisur
Iber des Bild
w

Bergün Filisur isch de Name von ere Fusionsgmaind im Kanton Graubünde i de Schwiz. Di neu Gmaind werd uf de 1. Jänner 2018 us de politische Gmainde Bergün/Bravuogn und Filisur entstoh.[1]

Gschicht[ändere | Quälltäxt bearbeite]

A de Gmaindsversammlige vom 9. April 2014 z Bergün/Bravuogn und z Filisur werd d Grundsatzfrog von ere mögliche Fusion vo de beedne Gmainde erstmols traktandiert.[2] Z Bergün hät me de Verhandligsufnahm zuegstimmt, d Bevölkerig vo Filisur aber bschlüüsst, de Gmaindsvorstand mües zerscht bi de Gmaind Schmitte aafroge.[3] Wil aber Schmitte es Johr vorher i me Grundsatzentschaid sich gegen e Fusion mit de Gmainde im vordere Albulatal entschide hät, isch z Filisur a de Gmaindsversammlig vom Früelig 2015 d Uufnahm vo Verhandlige mit Bergün guetghaisse worde.[4]

Im Amtliche Gmaindsverzaichnis vo de Schwiz isch i de Uusgob vom März 2016 aakündt worde, as uf Aafangs 2017 us Bergün und Filisur e neui Gmaind söll wärda (damals no «Bergün-Filisur» gschribe).[5] A de Sitzig vom 10. Mai 2016 bschlüüsst d Regierig vom Kanton Graubünde en Förderbiitrag för di neu Gmaind im obere Albulatal i de Höchi vo 8,615 Million Franke.[6]

I de zwaite Fusionsbroschüre, wo im Juni 2016 vo de Fusionsarbetsgruppe veröffentlicht worden isch, werd vorgschlage, as de Name vo de neue Gmaind «Bergün Filisur» sii und s Wappe vom ehemolige Chrais öbernee wärde söll.[7]

Geografii[ändere | Quälltäxt bearbeite]

Di planti Fusionsgmaind Bergün Filisur liit im oberen Albulatal und werd us de Dörfer Filisur (1'032 m ü. M.) und Bergün/Bravuogn (1'367 m), de beedne Fraktione Stugl und Latsch sowie de beedne Wiiler Preda (mitsamt de Maiesäss Naz) und Chants (1'822 m) bestoh. Di neu Gmaind werd dodemit e Flächi vo 190,14 km² umfasse und knapp tuusig Iiwohner zelle.

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Amtliches Gemeindeverzeichnis der Schweiz. Aakündigti Änderige 2017, Uusgob vom 15. Juni 2017
  2. Fusion: Bergün und Filisur stellen Grundsatzfrage Artikel bi suedostschweiz.ch vom 20. März 2014
  3. Fusion: Filisur will zuerst Schmitten kontaktieren Artikel bi suedostschweiz.ch vom 10. April 2014
  4. Fusionsinfo#1 uf gemeinde-berguen.ch vom April 2016
  5. Amtliches Gemeindeverzeichnis der Schweiz. Aakündigti Änderige 2016, Uusgob vom 23. März 2016
  6. Zusammenschluss der Gemeinden Bergün/Bravuogn und Filisur: Kantonale Förderung Bschluss vo de Regierig vom Kanton Graubünde vom 10. Mai 2016, uf filisur.ch, abgruefen am 1. Januar 2017
  7. Fusionsinfo#2 uf gemeinde-berguen.ch vom Juni 2016