Baanschtreggi Etzwylè-Singè

Etzwylè–Singè
Kursbuechstrecki:	annedubaki 304h
Streckenummere:	4320 Singè–Staatsgränz
Streckelengi:	13,29 km
Spurwyti:	1435 mm (Normalspur)
Legende vo Winti vo Schaffhuusè 31,81 Etzwylè gu Konschtanz 32,80 Hauptschtrõss 13 33,35 Seplingschtrõß 33,60 Hemmishofenerbrugg übber dè Hochrhy (252 m) 33,90 Hemishoferschtrõß 34,33 Hemmishoffè 34,60 Hemmishofferbach 34,70 34,90 37,77 Ramsè 38,23 Staatsgränz Schwiz–Dütschland 40,40 Doktor-Fritz-Guth-Strǒß 40,60 Radolfzeller Aach 40,70 Albert-ten-Brink-Strǒß 41,11 Rylasingè 44,40 Fittingstrǒß vo Konschtanz 45,10 Singè gu Basel Randèbaan gu Offèbürg

D Baanschtreggi Etzwylè–Singè isch am 17. Juli 1875 zwǜschè Winti un Etzwylè vo dè Schwizerischè Nationalbaan (SNB) eröffnet worrè. Am glychè Dag sin au d Baanschtreggi Etzwylè-Konschtanz, d Baanschtreggi Chrützlingè–Chrützlingè Haffè un d Baanschtreggi Etzwylè-Singè eröffnet worrè. D Baangsellschaft isch scho 1878 in Konkurs gangè. Druffhy isch d Streggi vo dè Schwizerischè Nordoschtbaan (NOB) übbernõ worrè. Zwǜschè 1902 un 2004 hèn si zum Streggènetz vo dè Schwizerischè Bundesbaanè (SBB) ghört. Hüt isch s è eigèschtändigi Museumsbaanlinniè.

Gschichtè

D Baanschtreggi ghört zu dè wennigè Streggè vo dè SBB, wo niè elegtrifizyrt worrè isch. Si isch bi irer Stilllegig 2004 diè letschti nit elegtrifizyrti Streggi vo dè SBB gsi. Dè Personèvokeer isch scho am 31. Mai 1969 ygschtellt worrè. Denõch isch si langi Zit nó vo dè Züüg vo dè rollendè Landstrõss zwǜschè Rylasingè un Lugano bruucht worrè. Diè schwach Rhybrugg bi Hemmishoffè, s Faareleitig, wo gfäält hèt, sowiè dè Entscheid, s Terminal gu Singè z volegè, hèn dezuè gfüürt, dè Güètervokeer zwǜschè Ramsè un Etzwylè am 12. Dezembèr 2004 uffzgää, dè Güètervokeer zwǜschè Singè un Ramsè isch schu 1996 ygschtellt worrè. Diè am 27. Januar 2006 gründeti Stiftungè Museumsbaan Stei am Rhy – Etzwylè – Hemmishoffè – Ramsè & Rylasingè – Singè (SEHR & RS), è mittlerwyl eidgenössisch konzessionyrts Infraschtrukturunternämmè mit dè amtlichè Initialè SEHR, un d Ysèbaanbrugg Hemmishoffè hèt d Infraschtruktur käuflich übbernõ. Sit èm 1. Auguscht 2007 hèn zwǜschè Etzwylè un Ramsè Museumsfaartè durrègfüürt worrè chönnè. Am 28. Mai 2011 isch dè Abschnitt Ramsè – Rylasingè widder offizièll in Bedryb gnõ worrè chönnè. Dè letscht Abschnitt vo Rylasingè gu Singè cha zur Zit nò nit befaarè wörrè, well im Stadtgebièt vo Singè è Stugg Gleis fäält – d Stadt Singè hèt dört bi nèm Strõßèuusbau d Schinnè entfèrnt. Èn Widderuffbau vo dè Gleis un èn Museumsbedryb bis zum Baanhof Singè mit Gleisaaschluss as reschtliche Netz isch abber in Blaanig.

Hütigè Bedryb

Mit èrè Durchschnittsgschwindigkeit vo 40 km/h isch d Museumsbaan è rächt Stugg langsamer wiè nè Güèterzug mit 80 km/h bis 100 km/h. Bi dè Streggi Etzwylè–Singè übberquert dè Museumszug nüü Bruggènè. Doch d Schinnè vo Hemmishoffè nõch Ramsè un zrugg wörred nit nu vo dè Baan bruucht, sondern au vo dè Draisinè, wo vo zwei bis füüf Personè benutzt wörrè chänned. Regelmässig findet au i dè Winterzit voschideni Arbètsdääg statt. Akitivi Voreinsmitglyder erhaaltet d Ysèbaalinniè, schnydet Strüücher un Stuudè, unterhaaltet d Streggi un s Rollmatriaal.

Bildergalery

• 
  Museumszug im Baanhof Arlè-Rylasingè
• 
  Wagè-Interieur
• 
  Yfaart i dè Baanhof Ramsè
• 
  Uffenthalt im Baanhof Ramsè
• 
  Uusbligg zwǜschè Ramsè un Hemmishoffè
• 
  Aakumpft z Hemmishoffè
• 
  Aafaart uff s Viadukt z Hemmishoffè
• 
  Uusbligg uff Hemmishoffè vom Viadukt
• 
  Rangyrè z Etzwylè
• 
  D Ysèbaa-Brugg übber dè Hochrhy bi Hemmishoffè vum Wulchèschtei uus gsää

Literadur

• Hans G. Wägli, Generalsekretariat SBB (Hrsg.): Schienennetz Schweiz. AS-Volaag, Züri 1998, ISBN 3-905111-21-7.

Weblinggs

• Vorein für d Erhaaltig vo dè Ysèbaanlinniè Etzwylè-Singè
• Streggèbeschrybig uff www.vergessene-bahnen.de

Dä Artikel basiert uff ere fräie Übersetzig vum Artikel „Bahnstrecke_Etzwilen–Singen“ vu de dütsche Wikipedia. E Liste vu de Autore un Versione isch do z finde.