Antronapass
Dr Antronapass oder Antrunpass isch e Bärgübergang zwüschem Saastaal im Kanton Wallis und em Antruntaal z Itaalie.
Dr Bärgwäg goot vo dr Walliser Site här vo Almagäll dur s Furggtälli uf bis zum Saddel zwüschem Jazzihorn und em Latelhorn, wo uf Iteliänisch Punta di Saas heisst. D Passhöchi isch uf 2'838 m ü. M. Uf dr iteliänische Site chunt me über d Alpe Corone und am Stausee vo Cingino verby steil is Antruntal abe zu dr Alpe Lambraoro. Dört träffe sech d Bärgwäge vom Antrunpass, vom Ofetalpass (it. Passo di Antigine) und vom Passo di Valaverta, wo au Passo di Lavazzero heisst. Öppe acht Kilometer witer unde im Taal isch Antronapiana, dr Hauptort vo dr iteliänische Gmeind Antrona Schieranco.
Dr Name Antrunpass stoot scho uf dr erschte Landcharte vom Wallis, wo dr Johannes Schalbetter zeichnet und dr Sebastian Münster ane 1545 druckt hed. Es gid au no en andere dütsche Name für e Bärgpass: Saaserfurgga, was hüt aber chum me brucht wird. Und vo dr iteliänische Site här gsee hesst er Passo di Saas. En änliche Name hed au dr Monte-Moro-Pass, wo vo Almagäll nach Makanaa goot: D Walser im Taal vo Makanaa hei däm Saaserbjärg gseit.
-
s Furggtälli -
dr Cinginosee
Weblink
[ändere | Quälltäxt bearbeite]
Commons: Antronapass – Sammlig vo Multimediadateie- Arthur Fibicher: Antronapass In: Historisches Lexikon vo dr Schwiiz.
