Annemarie Huber-Hotz
D Annemarie Huber-Hotz (* 16. Augschte 1948 z Baar, Kanton Zug; haimetberäächtigt au dert; † 1. Augschte 2019 bi Schwarzsee, Kanton Fryburg[1]) isch e Schwyzer Beamti gsii. Vu 2000 bis 2007 isch si Bundeschanzleri un di eerscht Frau in däm Amt gsii. Si isch Mitgliid vu dr FDP gsii.
Lääbe
[ändere | Quälltäxt bearbeite]D Huber-Hotz isch z Baar uf d Primaar- un Sekundaarschuel gange un derno uf d Kantoonsschuel z Zuug. An dr Universideete Bäärn, Uppsala (Schweede) un Gämf het s Soziology, Ethnology un Bolitikwisseschaft studiert. An dr ETH Züri het si 1976/77 en Noodiploomleergang in Ruumblaanig absolviert. In ihre Studiezyt het si nääbehäär as Ibersetzeri bi dr Internationale Arbetsorganisazion z Gämf gschafft un im Amt fir Ruumblaanig vum Kantoon Zuug
Anne 1978 isch d Huber-Hotz in d Bundesverwaltig yydrätte un het zeerscht im Generaalsekretariaat vu dr Bundesversammlig gschafft. Ab 1981 het si s Sekretariaat vum Ständsroot gfiert, zuesetzli het si ab 1989 dr wisseschaftli Barlemäntsdienscht glaitet. Anne 1992 isch si zur Generaalsekreteeri vu dr Bundesversammlig ufgstiige. Wu dr Bundeschanzler François Couchepin sy Ruggdritt aagchindet het, het d Bundesversammlig am 15. Dezämber 1999 sy Noofolg bstimmt. D Huber-Hotz het si im vierte Wahlgang geg dr Vizechanzler Achille Casanova (CVP) duuregsetzt un isch doodermit di eerscht Frau an dr Spitz vu dr Bundeschanzlei woore.
D Huber-Hotz het iire Amt aafangs 2000 aadrätte. Si het d Bundeschanzlei reorganisiert un si in vier Fierigsberaich unterdailt (Bundesroot, Blaanig/Strategy, Information/Kommunikation un Intäärni Dienscht). Unter iire Laitig isch s E-Government ufböue un d Räächtsgrundlaage fir s E-Voting gschaffe woore. Im Februar 2007 het si iire Verzicht uf e dritti Amtszyt aagchindet[2] un isch per Ändi Johr zruggdrätte. As Bundeschanzleri het si ex-officio dr Gschäftslaitig vu dr FDP un em Vorstand vu däre Bundeshuusfraktion aagheert.
Vu 2007 bis 2011 isch d Huber-Hotz Bresidänti vu dr Schwyzerische Gmainnitzige Gsellschaft gsii[3], ab 2008 isch si Mitgliid vum Schwyzer Bärghilfroot gsii[4], vu 2008 bis 2010 Bresidänti vu dr Insel Foundation[5], ab Juli 2008 Bresidänti vu dr Stiftig Schwyzerische Bankenombudsman[6] un ab 2011 Mitgliid vum Stiftigsroot vum Graduate Institute IHEID z Gämf. Vu 2011 bis 2019 isch d Annemarie Huber-Hotz Bresidänti vum Schwyzerische Roote Chryz gsii.[7][8]
D Annemarie Huber-Hotz isch uf ere Wanderig mir iire Familie im Biet am Schwarzsee im Kanton Fryburg im Alter vu 70 Johr an akutem Häärzversaage gstoorbe.[9] Si isch ghyroote gsii un het drei Chinder ghaa. Nääbe Schwyzerdytsch un Dytsch het si aa Änglisch, Franzeesisch un Schweedisch gschwätzt.
Weblink
[ändere | Quälltäxt bearbeite]
Commons: Annemarie Huber-Hotz – Sammlig vo MultimediadateieFueßnote
[ändere | Quälltäxt bearbeite]- ↑ Alt Bundeskanzlerin Annemarie Huber-Hotz ist unerwartet verstorben Artikel i de Aargauer Zitig vom 1. Augschte 2019
- ↑ Bundeskanzlei: Bundeskanzlerin Huber-Hotz kandidiert nicht für 3. Amtszeit (Memento vom 30. Mai 2012 im Webarchiv archive.is), 14. Februar 2007
- ↑ Presseportal: Huber-Hotz neue Präsidentin der Schweizerischen Gemeinnützigen Gesellschaft Mäldig vom 8. Juni 2007
- ↑ Schweizer Berghilferat: Stiftungsrat (Memento vom 14. Oktober 2008 im Internet Archive) (ges. 29. Dezember 2008)
- ↑ http://194.209.226.170/pdfdata/bund/2008/04/04/BVBU-027-0404-2.pdf (Link cha mer nimi abruefe)
- ↑ http://www.swissbanking.org/medienmitteilung-080618-tsu.pdf (Link cha mer nimi abruefe)
- ↑ Thomas Heiniger zum neuen Präsidenten des Schweizerischen Roten Kreuzes gewählt Mitteilig uf redcross.ch vom 29. Juni 2019
- ↑ Annemarie Huber-Hotz unerwartet gestorben Mitteilig uf redcross.ch abgruefen am 9. Augschte 2019
- ↑ Alt Bundeskanzlerin Annemarie Huber-Hotz gestorben Artikel vom Benedikt Theiler uf nau.ch 2. Augschte 2019
|
Dä Artikel basiert uff ere fräie Übersetzig vu dere Version vum Artikel „Annemarie_Huber-Hotz“ vu de dütsche Wikipedia. E Liste vu de Autore un Versione isch do z finde. |