Anguilla

Us der alemannische Wikipedia, der freie Dialäkt-Enzyklopedy
Anguilla
{{{ARTIKEL-FLAGGE}}}
{{{ARTIKEL-FLAGGE}}}
{{{ARTIKEL-WAPPEN}}}
{{{ARTIKEL-WAPPEN}}}
Wahlspruch: Each Endeavouring, All Achieving
(ängl. „Wenn jede sich aasträngt, hai alli Erfolg“)
Amtsspraach Änglisch
Hauptstadt The Valley
Staatsoberhaupt Charles III.
Gouverneur: William Alistair Harrison
Regierigschef Chief Minister: Hubert Hughes
Flächi 96 km²
Iiwohnerzahl 14.436 (Quelle: CIA Juli 2009)
Bevölkerigsdichti 129,9 Iiwohner pro km²
Währig 1 Ostkaribische Dollar = 100 Cents
Nationalhimne God bless Anguilla
Zitzone UTC -4
Kfz-Kennzeiche AXA
Internet-TLD .ai
Vorwahl +1 (264) lueg NANP

Anguilla (spanisch für „Ool“) isch eini vo de Insle über em Wind in de Chliinen Antille in dr Karibik. Zsämme mit mehrere chliine, unbewohnte Koralleninsle bildet Anguilla en Überseegebiet vom Vereinigte Königriich.

Geografii[ändere | Quälltäxt bearbeite]

Südlig vo Anguilla lit d Insle St. Martin, westlig lige fast 200 km ewäg d Jumpfereinsle und öbbe 300 km ew Puerto Rico.

Anguilla isch e flachi und niidrigi Insle us Koralle und Chalchstei. Dr höchst Punkt mit 65 m isch Crocus Hill.

S Klima isch dropisch, gmässigt dur östligi Wind. Mit Hurrikan und andere dropische Stürm isch vom Juli bis zum Oktober z rächne. D Versorgig mit Trinkwasser cha mit dr stark stiigende Nochfrog nid immer Schritt halte.

D Flechi vo dr Insle isch knapp 91 km². Die grösste Näbeninsle si Scrub Island im Nordoste mit öbbe 3 km² und Dog Island mit öbbe 2 km² nordwestlig vo Anguilla. Drzue chömme no über 20 chliini Inseli und Cays wie z. B. d Prickly Pear Cays, Anguillita vor em Südwestspitz vo Anguilla, Little Scrub Island und d Insle Sombrero, wo 55 km nordwestlig lit. Zsämme het s Überseegebiet e Flechi von e chlii meh as 96 km².[1]

Bevölkerig[ändere | Quälltäxt bearbeite]

Anguilla het öbbe 13'000 Iiwohner. 29 % si Anglikaner, 23,9 % Methodiste, 7,7 % Pfingstler, 7,6 % Adventiste vom sibte Dag, 7,6 % ghöre zur Church of God, 7,3 % Baptiste, 5,7 % Katholike, 0,7 % Züüge Jehovas, 0,7 % Rastafaris, 0,5 % Evangelikali und 0,4 % Hindus. 4 % bekenne sich zu keinere Religion (Census vo 2001)

Dr grössti Deil vo dr Bevölkerig si Schwarzi und Mulatte.


Fuessnote[ändere | Quälltäxt bearbeite]

  1. D Flechi vo dr Insle us Bertelsmann Universallexikon und vo dr Regierigssite vo Anguilla (dört mit 35 Quadratmeile aagee). Höcheri Wärt as 96 km² für d Gsamtflechi chömme meistens us dr fehlerhafte Berücksichtigung vo de Näbeninsle, so git s Johrbuech vom Commonwealth Archivlink (Memento vom 26. Juni 2008 im Internet Archive) für Sombrero e Flechi vo 5 km² anstatt vo de korrekte 0,38 km².

Weblingg[ändere | Quälltäxt bearbeite]

Wikiatlas Wikimedia-Atlas: Anguilla – geographischi un historischi Charte





Koordinate: 18° 15′ N, 63° 4′ W