Andreas Schwarz (Politiker, 1979)
| Dialäkt: Undermarkgreflerisch |
Dr Andreas Schwarz (* 30. Augschte 1979 z Nirdeng[1]) isch e dytsche Wirtschaftsjurischt un Bolitiker (Bindnis 90/Di Griene). Syt Mai 2016 isch er Fraktionsvorsitzer vu syre Bartei im Landdag vu Bade-Wirttebärg.[2]
Uusbildig un Beruef
[ändere | Quälltäxt bearbeite]Dr Schwarz isch Wirtschaftsjurischt un Master of Business Administration] Noch em Abitur am Schlossgymnasium z Kircha het er Wirtschaftsrächt un Public Management z Dibeng, z Nirdeng un z Berlin studiert un het parallel derzue sy Zivildienscht bi dr Freiwillige Fyyrwehr z Kircha glaischtet. Sy Diplomarbet het er zum Thema Rächtsfroge zum Verbruucherschutz bi Verdragsabschliss im Internet gschribe. In syre Masterarbet sin Froge vu dr Finanzierig vum effetlige Personenooverchehr in dr Region Stuegert im Vordergrund gstande.
In dr Zyt vu sym Studium het er unter anderem fir d Robert Bosch GmbH, s Inneminischterium Bade-Wirttebärg un dr Verband Region Stuegert gschafft. Vu 2007 bis zue syr Wahl in Landdag 2011 het er bim Verband Region Stuegert as Referänt im Fachberaich Wirtschaft un Infrastruktur gschafft. Zurzyt isch er vu sym Arbetgeber freigstellt.
Bolitik
[ändere | Quälltäxt bearbeite]Dr Andreas Schwarz isch anne 1998 in d Bartei Bindnis 90/Di Griene yydrätte, Är het fir syBsartei vu 1999 bis 2016 em Gmairot vu Kircha aaghert un isch dert vu 2006 bis 2011 Fraktionsvorsitzer gsii.[2] Vu 2004 bis 2016 isch er im Chraisdag vum Landchrais Esslenga ghockt un isch dert vu 2009 bis 2011 Fraktionsvorsitzer gsii.[3] In dyre Zyt isch er dr jingscht Gmairot gsii un isch au as jingschte Gmairot verabschidet wore. Vu 2010 bis 2016 isch dr Andreas Schwarz derzue au Landesvorsitzer vu d kommunalbolitische Verainigung vu dr Griene un Alternative in dr Ret vu Bade-Wirttebärg (GAR Baden-Württemberg) gsii.
Bi dr Landdagswahl 2011 isch dr Andreas Schwarz Mitglid vum Spitzeteam um dr Winfried Kretschmann gsii. Är isch 2011 iber e Zwaitmandat fi dr Landdagswahlchrais Kircha in Landdag gwehlt wore. In dr Legislaturperiod vu 2011 bis 2016 isch er stellverdrättender Fraktionsvorsitzer un Vorsitzer vum Arbetschrais Verchehr un Infrastruktur gsii un au kommunalbolitische Sprächer.
Syt Mai 2016 isch dr Andreas Schwarz Fraktionsvorsitzer vu dr Griene im Landdag vu Bade-Wirttebärg. Bi dr Landdagswahl 2016 het dr Andreas Schwarz mit iber 27.000 Stimme (30,5 %) s Diräktmandat in sym Wahlchrais gwunne. In syre Haimetstadt Kircha isch er uf 32 Brozänt chuu. Är stoot dr greeschte Landdagsfraktion im bade-wirttebärgische Landdaag mit 47 Abgordnete vor. Är isch Mitglid im Bresdidium, im Koalitionsuusschuss un in dr Huushaltskummission.
Privatläbe
[ändere | Quälltäxt bearbeite]Dr Andreas Schwarz isch ghyrote un het e Dochter. Vyl Johr lang isch er aktiv gsii in dr freiwillige Fyyrwehr.
Weblink
[ändere | Quälltäxt bearbeite]
Commons: Category:Andreas Schwarz – Sammlig vo Multimediadateie- Websyte vum Andreas Schwarz
- Churzbiografy bi dr Griene Bade-Wirttebärg
- Churzbiografy bider Landdagsfraktion
- Abgordneteprofil bim Landdag Bade-Wirttebärg in dr 16. Wahlperiod
Fueßnote
[ändere | Quälltäxt bearbeite]- ↑ Uuszug us em Abgordnetehandbuech vum Landdag vu Bade-Wirttebärg fir di 16. Wahlperiod [1]
- ↑ 2,0 2,1 Eine Investition in die Zukunft. Der 36-jährige Andreas Schwarz sieht die Fraktion als „Hüterin des Koalitionsvertrags“. In: Badische Zeitung. 11. Mai 2016, S. 2.
- ↑ Zur Person. In: Andreas Schwarz MdL. Abgruefen am 9. Dezember 2020 (de-DE).
|
Dä Artikel basiert uff ere fräie Übersetzig vu dere Version vum Artikel „Andreas_Schwarz_(Politiker,_1979)“ vu de dütsche Wikipedia. E Liste vu de Autore un Versione isch do z finde. |