Alexander Zschokke

d Bronzestatue vom Stefan George z Bingen am Rhy, gschaffe vom Alexander Zschokke

Alexander Zschokke: Drei Lebensalter, Basel (1937/38)

Dr Alexander Zschokke (* 25. November 1894 z Basel; † 17. Augschte 1981 z Basel) isch ä Schwiizer Bildhauer gsi. Si Urgroossvater isch dr Schriftschdeller Heinrich Zschokke gsi.

Läbe

Dr Alexander Zschokke isch anne 1894 z Basel uf d Wält cho. Er isch as Architekt, Bildhauer und Moler z Münche, Basel, Züri, Gämf und Berlin uusbildet worde. Uf siine Reise isch er uf Italie, Griecheland und Baris cho. Vo 1931 bis 1937 het er ä Bildhauerklass an der Kunschtakademii z Düsseldorf gleitet, denn het er sich z Basel niiderglo, won er bis zu siim Dod im Johr 1981 gläbt het.

Wärk

Dr Alexander Zschokke isch bekannt worde für siini Bildnisplaschdike, wo antiki Modi variiert hai. Drzue ghört ä Reihe vo Bortretchöpf us de Drissiger Johr vo expressionischtische Moler, u. a. vom Paul Klee, Erich Heckel und Christian Rohlfs. Ä ganze Zyklus vo Chopfstudie isch em Dichter Stefan George gwidmet, wo dr Zschokke verehrt het. Er het 1965 s Dänkmol für ä Albert Schweitzer z Schaffhuuse gmacht.

Er het au architektonischi Chliiforme und Plaschtike verschmulze bim Entwärfe vo Mausoleum und Brünne (Wettschdeibrunne (1955), Drei Lääbesalter-Brunne (1941) z Basel).

Weblingg

 Commons: Alexander Zschokke – Sammlig vo Multimediadateie

• Alexander Zschokke

Dä Artikel basiert uff ere fräie Übersetzig vum Artikel „Alexander_Zschokke“ vu de dütsche Wikipedia. E Liste vu de Autore un Versione isch do z finde.