Dr Wettstäibrunne
| Dialäkt: Baseldütsch |
Dr Wettstäibrunne befindet sich am Theodorskiirchblatz bi dr Wettstäibrugg im Chläibaasel. Er stoot nit under Dänggmolschutz,[1] isch aber äins vo de Baasler Kulturgüeter, wo für d Region vo Bedütig si.
Gschicht
[ändere | Quälltäxt bearbeite]E Brunne dört isch scho 1892 blaant worde für s 500-jöörige Jubileum vo dr Veräinigung vom Grooss- und Chläibaasel. Dä hätti aber 90'000 Franke kostet und mä het weeniger as e Zäätel vo däm chönne ufdriibe. So isch s bis 1954 gange, bis dr Baasler Bildhauer Alexander Zschokke dr Brunne het chönne baue und sit 1955 stoot er in Betriib.[1]
Beschriibig
[ändere | Quälltäxt bearbeite]Dr Wettstäibrunne bestoot us zwäi rächteggige Brunnedröög, wo dr äint hööcher isch as dr ander, eme runde Brunnestogg zwüsche de Dröög, wo druf e rot und blau aagmoolti Drummle mit Kinder stoot und zooberst isch e Statue vom ehemoolige Baasler Bürgermäister und Staatsmaa Johann Rudolf Wettstein. Dä isch au Jeeger gsi und doorum sitzt nääbenem si Hund. Uf em Brunne stoot gschriibe: "Zum Andenken an Bürgermeister Johann Rudolf Wettstein 1594 - 1666 und zu Erinnerung an die Vereinigung von Kleinbasel und Grossbasel 1392".[1]
Weblingg
[ändere | Quälltäxt bearbeite]
Commons: Wettstäibrunne – Sammlig vo MultimediadateieFuessnoote
[ändere | Quälltäxt bearbeite]- ↑ 1,0 1,1 1,2 Wettstein-Brunnen (Memento vom 12. März 2014 im Internet Archive) uf brunnenfuehrer.ch
Koordinate: 47° 33′ 30,6″ N, 7° 35′ 51,1″ O; CH1903: 611961 / 267544