Zweiter Kappelerkrieg

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Zwäite Kappelerchrieg
Schlacht bei Kappel.jpg
D Schlacht bi Kappel 11. Oktober 1531
Datum 1531
Ort Kanton Züri und Zug
Usgang Siig vo de katholischen Ort
Folge Hegemonii vo de katholischen Ort bis zum Zweite Villmergerchrieg
Friidensschluss Dr Zweit Kappeler Landfriide

20. November 1531

Konfliktparteie
Lucerne-coat of arms.svg Luzärn

Uri-coat of arms.svg Uri
Schwytz-coat of arms.svg Schwyz
Obwald-coat of arms.svg Obwalde
Nidwald-coat of arms.svg Nidwalde
Zug-coat of arms.svg Zug

Zurich-coat of arms.svg Züri

Berne-coat of arms.svg Bärn

Tagsatzig im Badener Rathuus im Jahr 1531

Dr Zwäiti Kappelerchrieg isch d Fortsetzig vom Erschte Kappelerchrieg, wo 1529 ooni Kampfhandlige mitem Erschte Kappeler Landfride beendet worde isch.

Bi de Kappeler Chriege handlets sich um di erschte europäische Religionschriege. Di zwee Chriege sind dur di reformierte Kantön under dr Füerig vo Züri mit em Reformator Zwingli gege di föif innere katholische Orte gfüert worde.

D Abmachige vom erschte Kappeler Landfride händ nöd lang ghebet. Wesentliche Iifluss hät d Entwicklig z Düütschland ghaa. D Beschlüss vom Augsburger Riichstag (Confessio Augustana) händ zu Misstraue zwüsched dr alt- und dr nöiglöibige Partei i dr Schwiiz gfüert. Iimischige i d Glaubesverhältnis vo de gegnerische Gebiet händ die Haltig verschtärcht. Züri isch vorgworfe worde, es welli sich nöii Gebiet iiverliibe. Wo di katholische innere Orte d Hilf im Müsserchrieg verwäigeret händ, hät dr Zürcher Reformator Zwingli uf en neue Waffegang drängt. Di im chrischtliche Burgrecht verbündete Orte sind zrugghaltend blibe und händ äinzig e Lebesmittelschperri gege di innere Orte verhängt, woruuf die am 9. Oktober 1531 Züri de Chrieg erchlärt händ. I dr Schlacht bi Kappel händ di isolierte und schlecht gfüerte Zürcher am 10. Oktober 1531 e Niderlaag erlitte. De Zwingli isch i dere Schlacht gfalle.


Drizee Taag schpäter, isch i dr Schlacht am Gubel dr Chrieg endgültig zugunschte vo de katholische Ort entschide und Fridesverhandlige iigläitet worde. Mit em Zwäite Kappeler Landfride isch dr Zwäiti Kappelerchrieg beendet und eso di wiiteri Uusbräitig vo dr Reformation i dr düütsche Schwiiz beendet worde.

Lueg au[ändere | Quälltäxt bearbeite]

Literatur[ändere | Quälltäxt bearbeite]

  • Christian Bäder, Oliver Bangerter: Kappeler Kriege 1529/1531: Kampf um Vorherrschaft und Souveränität, ums Wort und den wahren Glauben. Dokumentation. Militärgeschichte zum Anfassen, 11. 3. Auflage. Au 2003.
  • Helmut Meyer: Der Zweite Kappeler Krieg. Gedenkschrift zur 450. Wiederkehr des Todestages von Huldrych Zwingli. 11. Oktober 1531–11. Oktober 1981. Zürich 1981.
Dä Artikel basiert uff ere fräie Übersetzig vum Artikel „Zweiter_Kappelerkrieg“ vu de dütsche Wikipedia.

E Liste vu de Autore un Versione isch do z finde.